Faimili Meinbar Hai Bahoo, Naukaraani Naheen Supreme Court

Breaking »

Faimili Meinbar Hai Bahoo, Naukaraani Naheen Supreme Court

PTI. . Nai Delhi ghar ki bahoo ke saath parivaar ke sadasya ki tarah vyavahaar hona chaahiye, na ki ek naukaraani ki tarah aur use kisi bhi haal mein yah ehsaas na hone dein ki use uske ghar (sasuraal) se kisi bhi vakt baahar nikaala ja sakta hai. Bahuon par atyaachaar aur unhein jalaae jaane ki ghatnaaon par chinta aur gahari naaraajagi jataate hue Supreme court ne yah kaha hai. Patni ko khudakushi ke liye majaboor karne vaale shakhs guranaib Singh ki 7 saal ki saja barkaraar rakhane ka order dete hue Justice ke. S. Radhakrishnan aur Justice deepak mishra ki bench ne ye kaumeint kiye. Shaadi ke 2 saal baad hi guranaib ki patni amarajeet Kaur ne khudakushi kar li thi. Adaalat ne kaha ki agar ghar mein bahoo ki ijjat hoti hai to usase us shaadi ki pavitrata bachi rahati hai aur yah kisi achhi society ki pehchaan bhi hai. Jab ek ladki vivaah ke bandhan mein bandhati hai to uske tamaam sapane hote hain lekin jab kisi ghar mein usaka pati, saas-sasur aur anya rishtedaar use sataate hain to isse society ki sanvedanaheenata saamane aati hai. Yah bahut chinta ki baat hai ki bahut saare maamalon mein in cheejon ko behad asanvedanasheelata ke saath liya jaata hai aur ek ladki se usaki jeene ki ichha chheen li jaati hai. Court ne kaha ki yah aur bhi sharmanaak hai ki bahuon ko dahej na milne par ya to jala diya jaata hai ya fir unhein maanasik aur shaareerik roop se sataakar unki jindagi doobhar kar di jaati hai. Iska nateeja hai ki ve khudakushi ke liye majaboor ho jaati hain.

Faimili Meinbar Hai Bahoo, Naukaraani Naheen Supreme Court https://www.angrejinews.com/pic/8695