Fail Hota, To Bhi Khud Ko Doosra Chaans Deta Siddhaarth

Movies »

Fail Hota, To Bhi Khud Ko Doosra Chaans Deta Siddhaarth

Siddhaarth malhotra ko lagta hai ki agar vah aikting mein naheen chalte, tab bhi apne aap ko aikting mein doosra chaans dete. Unhein yang big bi se apni tulana manjoor naheen hai. Siddhaarth ne apni prafeshanal aur parsanal life se jude kai muddon par hamse ki khulkar baatcheet. . . Hamesha laaim laait mein rahane se ek preshar kriyet hota hai? (hansate hue) kehte hain ki bahut hota hai. Aikting sirf shauts dena hi naheen hai. Ek aiktar ko usase bahut jyaada karna padta hai. Use iveints, pramoshans aur intaravyooj bhi haindal karne hote hain. Log aapko us roop mein bhi jaanana chaahate hain jo aap of screen hote hain. Lekin main preshar ke baare mein jyaada sochata naheen hoon. Mere liye praayauriti vahi hai, jo kaam main camere ke aage karta hoon. Apne liye kitna samay nikaalate hain? Mujhe lagta hai ki agar aap aiktar ho, to aapko camere ke frant mein rahana hi pasand aaega. Aaj ham us ej mein hain, jahaan koi parsanal life naheen hoti. Lekin jaisa main screen par dikhta hoon, vah sirf screen ke liye hai. Prafeshanal life mein main kaisa bhi kairaktar play karoon, vah screen tak hi rahata hai. Iska real life par main asar naheen padne deta. Aapki varun dhavan aur aaliya bhatt se achhi freindaship hai? 'Student of the iyar' ke baad ham teenon alag ho gaye. Sab alag-alag filmon ko karne mein biji hain. Uske baad teenon ki baat hoti hai, lekin utani naheen hoti. Haal hi mein ek intaranaishanal trip par hamaari baatein huin. Airport se hotel jaate vakt varun meri hi film ka gaana sun raha tha. Fir mainne 'Main tera hero' ke saare track sune. Aaliya ne bhi hamaari tarah hi kiya. Iske baad laga ki ham teenon ke beech ek special bond hai. Parineeti Chopra aur aapki kemistri ki charcha in dinon kaafi ho rahi hai. Of screen bhi ham donon ki achhi ikveshan hai. Parineeti ko lagta tha ki main shuroo mein rijrvd rahata hoon. Lekin vah Chopra aur main malhotra, donon punjabi. Ho gayi baatcheet shuroo! Ham donon ke beech ek aur factor kauman hai. Ham donon hi Delhi se hain aur donon hi industry se bilaung naheen karte. Kai baar aapka kanpairijn yang Amitabh Bachchan se bhi kiya jaata hai! Aisa kehna mujhe unki insalt karne jaisa lagta hai. Aaj vah jo hain, main unke ek inch bhi baraabar naheen hoon. Yeh bahut achha kaumplimeint hai, lekin mainne abhi tak aisa koi bhi kaam naheen kiya hai. Is saal aap mujhe aur behtar aiktar ke taur par dekheinge. Kaunteint ke lihaaj se sabhi filmein alag hoti hain. 'Ek viln' mein mainne kaafi kuchh alag karne ki koshish ki hai. Logon ne abhi tak mujhe us tarah ka aikshan karte hue naheen dekha hai. Vaise, yeh ek love story hai. Mohit soori ke saath kaam karne ka eksapeeriyans bahut hi achha raha. Shuroo mein main thoda nervous jaroor tha, lekin bahut achha raha ki mainne yeh rol kiya. Aap kharcheele hain? Mere paas pehle kabhi bhi bahut jyaada paisa naheen tha. Haal hi mein achha paisa kamaana shuroo kiya hai, to ab main badhiya-si baaik lene ka plaan bana raha hoon. Baaik par helmet lagaakar chalne se aapko ek alag hi tarah ki aajaadi milti hai, jo shaayad kisi aur tarah se naheen milti. Abhi jaroorat padti hai, to main apne dost ki baaik leta hoon. Isi ke saath behatareen car khareedne ka bhi mera man hai. Prauparti ke baare mein baat karoon, to prauparti Bandra mein khareedna chaahata hoon. Pichhle chhah saal se main reint par raha hoon.

Fail Hota, To Bhi Khud Ko Doosra Chaans Deta Siddhaarth https://www.angrejinews.com/pic/50537