Factory Mein Bandhak Banaakar Mahila Ke Saath Gang Rape

Breaking »

Factory Mein Bandhak Banaakar Mahila Ke Saath Gang Rape

S. Pi. Raavat. . Kurukshetr. . Haryana ke yamunaanagar mein ek mahila ke saath ek factory ke bheetar use bandhak banaakar lagaataar do din tak rape kiye jaane ka maamala prakaash mein aaya hai. Maamala jagaadhari thaana kshetr mein shahar ke saath lagte gaanv maanakapur ka hai. Police ne peedita ke bayaanon par gang rape ka mukadama darj kar liya hai. Khabar likhe jaane tak aaropiyon ko giraftaar naheen kiya ja saka hai. Peedit mahila do din pehle apne ghar se apna maheene bhar ka vetan lene ke liye nikli thi. Peedit mahila ka kehna hai ki uske do bachche hain, jinhein vah behtar paravarish va aadhunik shiksha dena chaahati hai. Iske liye vah ek factory mein kaam karne lagi. Jab vah factory mein pahunchi to factory gate par hi use usaka ek sahakarmi haaroon mila. Vah use yah kehkar ek doosari factory mein le gaya ki factory maalik vahaan baithai hain. Peedit mahila haaroon naamak is sahakarmi par bharosa karke uske peechhe-peechhe chal padi. Haaroon naamak yah vyakti peedit mahila ko lekar jis factory mein gaya, vah soonasaan thi aur kaafi samay se band padi hui thi. Factory mein haaroon ka ek anya saathi vahaan par pehle se hi maujood tha. Isse pehle ki peedit mahila kuchh samajh paati donon ne uske daboch liya. Iske baad do din tak uske usi factory mein bandhak banaakar rakha. Aarop hai donon ne lagaataar uske saath do din tak rape kiya. Police ne peedit mahila ka medical test karva kar usaki shikaayat par do logon ke khilaaf gang-rape ka mukadama darj kar liya hai. Lekin abhi tak donon aaropi police ki pakad se baahar hain. Jaanch adhikaari ka kehna hai ki lagta hai aaropi uttar pradesh ke sahaaranapur mein ya kaheen par aaspaas jaakar chhip gaye hain unhein jald kaaboo kar liya jaaega.

Factory Mein Bandhak Banaakar Mahila Ke Saath Gang Rape https://www.angrejinews.com/pic/5120