Facebook Par IPL-7 Prashansakon Ki Sankhya Ek Karod Ke Paar

Breaking »

Facebook Par IPL-7 Prashansakon Ki Sankhya Ek Karod Ke Paar

Nai Delhi: Indian Premier league (IPL) ka saatavaan sanskaran shuroo hue ek maheena poora ho chuka hai aur abhi cricket ki yeh deewangi 15 din aur 1 June tak chalegi. Is beech social networking websiton par iski charcha khoob chhaai rahi. IPL ke Facebook khaate ko like karne vaalon ki sankhya jahaan ek karod ko paar kar chuki hai, vaheen IPL ke twitter haindal ko lagbhag 15 lakh prashansak follow kar rahe hain. IPL ke aadhikaarik twitter account par jahaan tveets ki sankhya 35 hajaar ke kareeb pahunch gayi hai, vaheen IPL se jude kul tveets ki sankhya 28 lakh ko paar kar chuki hai. IPL ke Facebook pej ko ab tak kul 1,01,31,293 prashansak like kar chuke hain, tatha is par ab tak 16,21,500 post prakaashit ki ja chuki hain. IPL-7 mein ab tak 41 match khel ja chuke hain, jabki faainals sahit abhi 19 match aur khel jaane hain. IPL-7 ke shuruaati charan ka aayojan sanyukt arab ameeraat mein hua, jahaan kul 20 match khele gaye. IPL prashansak apne pasandadeeda match miss na karein, ise sunishchit karne ke liye IPL ne IPL twitter calendar ki vyavastha ki hai, jisse prashansakon ko unke mobile phone par match shuroo hone se theek pehle soochana bhej di jaati hai. IPL prashansakon ko is khel ke najadeek laane ke liye maichon ke dauraan kuchh chuninda tveets ko television screen par bhi dikhaaya jaata hai. Iske alaava IPL ke twitter khaate par har match ke player of the match chune gaye khilaadi ki TV screen par hastaakshar ke saath photo bhi post ki jaati hai.

Facebook Par IPL-7 Prashansakon Ki Sankhya Ek Karod Ke Paar https://www.angrejinews.com/pic/50720