Faainains Bill Paas Karaane Par Taiyaar Huaa Vipaksh

Breaking »

Faainains Bill Paas Karaane Par Taiyaar Huaa Vipaksh

nai Delhi. . Sarkaar ko sansad mein bane gatirodh ko door karne mein somvaar ko us samay safalta mili jab vipaksh ne mangalvaar ko sadan mein vitteeya kaamkaaj niptaane ke liye sahamati jataai. Loksabha adhyaksh meera Kumar ne vibhinn dalon ke netaaon ki baithak bulaai thi. Ismein sansad mein jaari gatirodh ko khatm karne mein safalta mili. Baithak ke baad sansadeeya kaarya mantri Kamalnath ne bataaya, 'Sabhi vitteeya kaamkaaj sansad mein kal liya jaaega. ' unhonne in aashankaaon ko khaarij kar diya ki vitteeya kaamkaaj niptaae jaane ke baad sansad ko anishchitkaal ke liye sthagit kar diya jaaega. Unhonne kaha, 'Sansad ko anishchitkaal (das May se pehle) ke liye sthagit karne ki koi baat naheen hui hai. ' vitt vidheyak ke alaava sadan ke saamane kaafi vitteeya kaamkaaj lambit hain, jinmein railway bajat aur mantraalayon ki anudaanon ki maangein shaamil hain. Loksabha adhyaksh ki baithak se poorv Kamalnath ne kaha, 'Yah durbhaagyapoorn hai ki pichhle paanch din se sansad naheen chal rahi hai. Mujhe ummeed hai ki sadan chalega. ' koyala blauk aavantan ghotaale tatha sanyukt sansadeeya samiti ki masauda report ko lekar sansad ke donon sadanon ko kai baar sthagan ka saamana karna pada hai.

Faainains Bill Paas Karaane Par Taiyaar Huaa Vipaksh https://www.angrejinews.com/pic/7095