FTA Ke Tahat Niryaatakon Ke Liye Behtar Shulk Suvidhaaon Par Jor Dega Bhaarat Vaanijya Sachiv

Business »

FTA Ke Tahat Niryaatakon Ke Liye Behtar Shulk Suvidhaaon Par Jor Dega Bhaarat Vaanijya Sachiv

Chennai , 15 March (bhaasha) vaanijya sachiv anoop vaadhavaan ne kaha ki mukt vyaapaar samjhaute (FTA) ke tahat tarajeehi aadhaar par milne waali shulk suvidhaaon ka daayara badhaane ko lekar Bhaarat apne pramukh vyaapaarik bhaageedaaron ke saath baatcheet kar raha hai. Yahi naheen is tarah ke vyaapaar samjhauton ka hamaare niryaatak jyaada se jyaada faayda utha sake isliye sarkaar niryaatakon ke liye prakriyaaon ko aasaan bana rahi hai. international engineering sorsing sho mein niryaatakon ko sambodhit karte hue baadhavaan ne kaha , " hamaare yahaan badi sankhya mein niryaatak hain , main aapka dhyaan is or aakarshit karna chaahata hoon ki FTA ke tahat mili suvidhaaon ka upayog kam ho raha hai. Aankade bataate hain ki bhaarateeya niryaatakon ne FTA aur tarajeehi aadhaar par milne vaale laabhon ka bahut jyaada upayog naheen kiya hai. " unhonne kaha ki sarkaar niryaatakon ke liye prakriyaaon ko suvyavasthit bana rahi hai taaki vyaapaar samjhaute ke tahat peshakash kiye jaane vaale laabhon ka faayda uthaaya ja sake. Unhonne niryaatakon se FTA mein di gayi tarajeehi shulk vyavastha ka upayog karne ka aagrah kiya hai. Bhaarat ne vartamaan mein aasiyaan , dakshin Korea , Japan , Malaysia , chili aur Singapore samet anek pramukh vyaapaarik bhaageedaaron ke saath mukt vyaapaar samjhaute (FTA) kiye huye hain . FTA ko vyaapak aarthik bhaageedaari samjhauta , tarajeehi vyaapaar samjhauta ya vyaapak aarthik sahayog samjhauta bhi kaha jaata hai. vaadhavaan ne kaha , " vaanijya vibhaag sambhaavit baajaaron ki pehchaan kar raha hai aur sabhi utpaadon evam sevaaon ke liye upalabdh vareeyataaon ( tarajeehi shulk) ka daayara badhaane ke liye vyaapaar bhaageedaaron ke saath charcha kar raha hai. Mujhe lagta hai ki hamein is mudde par udyogon se baatcheet karne ki jaroorat hai. FTA ke kam upayog ke kaaran par charcha karte hue unhonne kaha ki kuchh deshon mein vyaapaar mein sarvaadhik tarajeehi raashtra (emaefaen) par lagne wala shulk kam hai. Iske alaava is tarah ka laabh lene mein shaamil lenaden laagat bhi vajah ho sakti hai. unhonne kaha ki vaanijya mantraalaya udyogon ke saath baatcheet karega aur unhein ghareloo aur antararaashtreeya star par ho rahi dikkaton ko samajhne ki koshish karega aur unhein door karne ka prayaas karega.

FTA Ke Tahat Niryaatakon Ke Liye Behtar Shulk Suvidhaaon Par Jor Dega Bhaarat Vaanijya Sachiv https://www.angrejinews.com/pic/261350