FIH Vishwacup Belgium Se Mili Haar Ko Bhulaakar England Ke Khilaaf Khelna Hoga Bhaarat Ko

Breaking »

FIH Vishwacup  Belgium Se Mili Haar Ko Bhulaakar England Ke Khilaaf Khelna Hoga Bhaarat Ko

Abhyaasarat bhaarateeya team Abhyaasarat bhaarateeya team The Hague: bhaarateeya hockey team FIH vishwacup ke tahat somvaar ko England ke khilaaf kyosera stadium mein utaregi. Bhaarat ko apne pehle group match mein Belgium ke haathon 2-3 se haar mili thi, lekin ab Bhaarat ko us haar ko bhulaakar khaata kholana hoga. FIH ke vishv vareeyata kram mein England chauthe aur Bhaarat aathavein sthaan par hai. bhaarateeya team ke mukhya coach teri vaulsh ne kaha hai ki England ko haraana kaafi mushkil hai, lekin unke khilaadi use rokane ka poora prayaas kareinge. Is saal Bhaarat aur England ke beech ab tak sirf ek mukaabala hua hai. Nai Delhi mein aayojit hero hockey world league faainals ke dauraan England ne Bhaarat ko 2-0 se haraaya tha. isse pehle Bhaarat aur England do baar varsh 2012 mein aamne-saamane aa chuke hain. Champions trophy ke dauraan pehle match mein Melbourne mein Bhaarat ne 3-1 se jeet haasil ki thi, jabki doosari baar use 1-2 se antararaashtreeya super series mein haar ka saamana karna pada tha. Iske baad donon January mein vishv league ke final mein bhide, jahaan Bhaarat ko 0-2 se haar ka saamana karna pada tha. Bhaarat mein is match ka prasaaran ten sports par shaam 7.30 baje se kiya jaaega.

FIH Vishwacup Belgium Se Mili Haar Ko Bhulaakar England Ke Khilaaf Khelna Hoga Bhaarat Ko https://www.angrejinews.com/pic/52498