FIFA Worldcup Thomas Moolar Ke Paas Itihaas Rachane Ka Mauka

Breaking » Friday, July 11, 2014

Braaseeliya: mejabaan Brazil ko FIFA vishv cup-2014 ke semifinal mukaabale mein 7-1 se raundakar final mein pahunchane waali Germany ke saamane chauthi baar champion banane ke liye Argentina ke roop mein aakhiri chunauti hai. Germany ke final mein pravesh karne ke saath hi maujooda vishv cup mein team ke liye sarvaadhik paanch gol daagane vaale star striker Thomas moolar ke paas lagaataar doosari baar golden boot haasil karne ka itihaas rachane ka anootha mauka hai. Ullekhaneeya hai ki ab tak yeh upalabdhi kisi khilaadi ne haasil naheen ki hai. moolar dakshin Africa mein hue pichhle FIFA vishv cup-2010 mein paanch gol kar golden boot vijeta rahe the. Spain ke David vila aur needaralainds ke vesle shnaaidar ne bhi paanch gol kiye the, lekin itna hi gol karne ke liye maidaan par kam samay bitaane ke kaaran moolar ko golden boot mila tha. moolar FIFA vishv cup-2010 mein sarvashreshth yuva khilaadi bhi chune gaye the. Moolar yadi is baar golden boot jeetne mein safal ho jaate hain to aisa pehli baar hoga ki is puraskaar par kisi ek desh ka lagaataar teesare varsh kabja bana rahega. FIFA vishv cup-2006 mein Germany ke hi miraaslov klos ne golden boot haasil kiya tha. moolar maujooda vishv cup mein golden boot ki daud mein haalaanki abhi Columbia ke striker James raudrigej se ek gol se pichhad rahe hain. Raudrigej chhah gol ke saath abhi bhi golden boot ke prabal daavedaar bane hue hain. moolar ko haalaanki golden boot haasil karne ke liye final match mein kam se kam do gol daagane honge. Yadi vah ek gol hi kar paate hain to adhik der tak maidaan par bitaane ki vajah se unhein golden boot naheen diya ja sakta. maujooda vishv cup mein chaar gol kar golden boot ki daud mein teesare sthaan par maujood arjeinteeni kaptaan liyonel mesi ke liye haalaanki ab is lakshya ka haasil karna kaafi mushkil najar aa raha hai, kyonki unhein golden boot haasil karne ke liye final match mein teen gol karne honge.