FIFA Worldcup Origi Ke Gol Ki Badaulat Belgium Antim-16 Daur Mein

Breaking »

FIFA Worldcup  Origi Ke Gol Ki Badaulat Belgium Antim-16 Daur Mein

Rio di Janeiro: FIFA worldcup-2014 ke group-H ke tahat ravivaar ko mashahoor marakaana stadium mein hue behad sangharshapoorn mukaabale mein Belgium ne roos ko aakhiri minute mein kiye gaye gol ki badaulat 1-0 se maat de di. Iske saath hi Belgium ne lagaataar do match jeetkar vishv cup ke knockout daur mein pravesh kar liya. Belgium ka pradarshan poore match mein bahut kamjor raha aur ve jara bhi prabhaavit naheen kar sake, haalaanki aakhiri ke 10 minton mein mark vilmaut ki team ne jaroor behtar vaapasi ki. Belgium ke liye divok origi ne 88vein minute mein gol kar apni team ko badhat dila di, jo vijayi gol bhi saabit hua. 19 varsheeya origi ka yeh pehla antararaashtreeya gol bhi hai. Iden haajaard ne shaanadaar tareeke se baain or se roos ke escheinko ko chhakaate hue golalaain ke najadeek se geind origi ko paas kiya, jis par origi ne Belgium ke liye vijayi gol daaga. Belgium ke liye is vishv cup mein kiya gaya yeh teesara gol bhi sthaanaapann khilaadi ne hi kiya. 2006 mein Serbia ke khilaaf liyonel mesi ke gol ke baad origi vishv cup mein gol karne vaale sabse kam umr ke saatavein khilaadi ban gaye. Origi Belgium ke liye gol karne vaale sabse kam umr ke khilaadi bhi hain. match ke 75vein minute mein maidaan mein pravesh karne vaale kevin miraalaas ne atirkt samay mein gol ka ek shaanadaar mauka ganva diya, aur goalpost ke behad najadeek se lagaae gaye unke kamjor shot ko roos ke goalkeeper aaigor aakinfejev ne rok liya. Miraalaas 84vein minute mein bhi gol karne se chook gaye the. Miraalaas dvaara lagaaya gaya free kick goalpost se takaraakar vaapas aa gaya. madhyaantar tak donon hi teemein gol karne mein asamarth raheen. Is dauraan Belgium ne gol ke do prayaas kiye jabki roos ne gol ke chaar avsar banaae. Belgium ke liye is match mein parivartan ke taur par bulaae gaye dreej marteins ne match ke chauthe minute mein hi roos ke goalpost ki or shaanadaar shot lagaaya, lekin roos ki rakshaapankti ise rokane mein safal rahi. Belgium ne match mein gol ke kul saat avsar banaae, jabki roos chhah baar yeh mauka bana saka. Belgium ne 52 feesadi samay tak geind apne paas rakha, jabki roos 48 feesadi tak geind par kabja banaae rahane mein safal raha. Haajaard ko unke behatareen pradarshan ke liye main of the match chuna gaya. donon teemon ke beech yeh kul naunva match tha, jismein Belgium ne chauthi baar safalta haasil ki. Roos bhi chaar baar Belgium ko hara chuka hai, jabki ek match draw raha tha. Donon hi teemein FIFA vishv cup mein semifinal tak ka safar tay karne mein safal rahi hain. roos ki knockout daur mein pravesh karne ki ummeedein ab bhi barkaraar hain, haalaanki iski sambhaavana behad kam hai. Belgium ne apne pehle group match mein pehli baar vishv cup khel rahe arab desh Algeria ko 2-1 se haraaya tha.

FIFA Worldcup Origi Ke Gol Ki Badaulat Belgium Antim-16 Daur Mein https://www.angrejinews.com/pic/54794