FICCI Ke Bhaashan Mein Modi Ne Kiya Naari Shakti Ko Salaam

Breaking »

FICCI Ke Bhaashan Mein Modi Ne Kiya Naari Shakti Ko Salaam

Nai Delhi. . Gujarat ke mukhyamantri Narendra Modi ne FICCI ke mahila sangathan ke vaarshik session ke apne bhaashan mein Rahul Gandhi par koi seedha hamla naheen kiya, lekin bhaashan ke baad savaal-javaab ke daur mein Congress ko jaroor nishaane par liya. Unhonne kaha ki Congress ne Gujarat mein jo gaddhe kiye the, vah use bharne ka kaam kar rahe hain. Ab jaakar ve gaddhe bhare hain aur bhavya Gujarat ke nirmaan ka kaam shuroo ho raha hai. Modi ne saath hi karj chukaane ki baat fir doharaai. Is baar unke shabd the, 'Is jeevan mein ham jahaan bhi jahaan hain, apne kaaran naheen hain. Har kisi ka yogadaan hota hai. Agar hamaare man mein us karj ko chukaane ka bhaav rahata hai, to bada santosh milta hai. ' Modi ke is bhaashan par sabhi ki najarein lagi hui theen. Maana ja raha tha ki Modi Congress upaadhyaksh Rahul Gandhi ke CII ke sammelan mein diye bhaashan ke javaab mein kuchh kah sakte hain, lekin unhonne aisa kuchh naheen kaha. Modi ka poora bhaashan Gujarat ki mahilaaon ke sahaare unki sarkaar ki upabdhiyon ka bakhaan tha. Unhonne jeevan ke har kshetr mein mahilaaon ki baraabar bhaageedaari ki vakaalat ki. Modi ke bhaashan mein logon ki ruchi ka aalam yah tha ki FICCI ne is samaaroh ko FICCI sabhaagaar ke bajaay ek bade hotel mein karna pada. Modi ki kamjori Modi ne unki kamjori ke baare mein poochhe gaye savaal par kaha,'Koi manushya poorn naheen hota hai. Har shakhs ke ke bheetar kuchh na kuchh kamiyaan hoti hain. Kamiyaan mujhamein bhi hain. Saamaanya manushya mein jo kamiyaan hoti hain ve saari mujhamein bhi hain. Lekin mujhe aise sanskaar mile hain, jisne sikhaaya hai ki gunon ke aadhaar par chalne ki koshish karo, dheere-dheere kamiyaan peechhe chhoot jaaengi. Aapke gun driving fors ban jaaenge. Achhe logon mein bhi buraai hoti hai. Bure logon mein bhi achhaai hai. Main buraaiyon se bachakar achhe raaste par chalne ki koshish karta hoon. Apna aatmanireekshan karna bada mushkil kaam hai. Mere andar bahut si aisi kamiyaan hongi, jo mujhe najar naheen aati hongi. Meri kamiyon ko mere Facebook aur twitter account par bataaen. ' raajyapaal par nishaana kendra mein satta mein aane par mahila rijrveshan bill ko lekar unke rukh par poochhe gaye savaal par Modi ne kaha ki Gujarat sarkaar ne sthaaneeya chunaavon mein mahilaaon ke liye 50 feesadi aarakshan vaala bill paas kiya, lekin raajyapaal ne use rok diya. Unhonne kaha ki unka durbhaagya hai ki mahila aarakshan bill ko ek mahila raajyapaal ne hi rok rakha hai. Rahul ki kalaavati ke j javaab mein jasooben Modi ne apne bhaashan mein Gujarat ki do anapadh mahilaaon jasooben aur indooben ki kaamayaabi ki kahaani bhi sunaai. Modi ne kaha, 'Ahmedabad mein jasooben ka pijja bada paupyular hai. Jasooben ke pijja hat ke bagal mein koi padha likha naujavaan khada hota hai, to unka hi pijja khaata hai. Ab aaj media ke log Ahmedabad jaaenge aur khojeinge. Jasooben kalaavati jaisi to naheen hai. Aur isliye mai kah doon ki unka paanch saal pehle svargavaas ho chuka hai. Jasooben ke nidhan ke paanch saal baad bhi usaka pijja bada hit hai. ' unhonne kaha ki aaj five star hotelon ke menyoo mein bhi paapad ke liye lijjat ka jikr hota hai. Unhonne kaha ki iske peechhe aadivaasi bahanon ki mehnat hai. Unhonne 80 rupaye se kaarobaar shuroo kiya aur ab yah arabon-kharabon mein pahunch gaya hai. Isi tarah indooben ka khaakhara bhi bada femas hai. Mahilaaon ke naam par prauparti khareedne par chhoot Modi ne apne bhaashan mein aage kaha, 'Mahilaaon ke naam par prauparti naheen hoti hai, unke pita, pati ya bete ke naam par hoti hai. Traansafar bhi pati ya doosare purush parijanon ke naam par hoti hai. Hamaari sarkaar ne faisala liya ki jo bhi mahila ke naam se prauparti leinge stainp rajistreshan fees maaf kar di jaaegi. Iska nateeja yah huaa ki sarkaar ki tijori ko 500-600 karod ka nuksaan huaa, lekin badi taadaad mein prauparti mahilaaon ke naam par khareedi jaane lagi. 'Bachche ke aidamishn mein maan ka naam Gujarat ke mukhyamantri ne kaha, 'Bachche ko school bheja jaata hai to pita ka naam hi likha jaata hai. Kya kabhi socha hai ki bachche ko nau maheene tak garbh mein rakhati maan hai. Uske janm ke kai maheenon tak vah so bhi naheen paati hai. Bachche ko school bheja jaae to uske naam ka jikr tak naheen hoti. Hamaari sarkaar ne ise badla. Humne faisala liya ki school mein bachche ke aidamishn ke samay maan ka naam pehle likha jaaega. Ye cheejein chhoti hain, lekin inki taakat ko samajhna hoga. 'Gujarat mein mahila special gaanv mahilaaen kaisa kamaal karti hain iska udaaharan dena chaahata hoon. Gujarat ke ek gaanv se kareeb saat-aath saal pehle 17-18 mahilaaen milne I theen. Us gaanv ne ek badhiya faisala kiya tha. Panchaayat ke pramukh pad ke liye mahila ki baari thi. Unke gaanv ne faisala kiya tha ki sabhi panchaayat ke sabhi kaam paanch saal ke liye mahilaaon ke haath mein day diye jaaen. Mainne unase poochha ki kya karna chaahati hain, to moojhe anootha javaab mila. Unhonne kaha ki 5 saal mein ve aisa karna chaahati hain ki gaanv mein koi gareeb na rahe. Main isse bahut prabhaavit huaa. Ham yojana lekar aae ki jo bhi gaanv is gaanv ki tarah kaam karega use special status ka darja deinge. Aaj Gujarat mein 300 se jyaada special status vaale gaanv hain. Modi ne kaha ki Bhaarat ki mahilaaon ko lekar pashchim ki soch ko badalna hoga. Vikaas yaatra mein mahilaaon ko hissedaar banaana hoga. Pashchim ki is soch ko badalna hoga ki Bhaarat ki mahilaaen kaamkaaji naheen hoti hain. Aadivaasi ilaakon mein ikaunami mein driving fors vahaan ki mahilaaen hain. Deri udyog mahilaaon ke balaboote chal raha hai. Amool aaj mahilaaon ke dam par chal raha hai. Mahilaaon ko nirnaya prakriya mein jodna hoga. Nirnaya lene ki prakriya mein unki jitni bhaageedaari badhegi, utani unki taakat badhegi.

FICCI Ke Bhaashan Mein Modi Ne Kiya Naari Shakti Ko Salaam https://www.angrejinews.com/pic/4850