Esid Ataik Par Supreme Court Chintit

India »

Esid Ataik Par Supreme Court Chintit

pras . Nai Delhi : Mahilaaon par esid ataik ki badhti ghatnaaon ko lekar Supreme court ne chinta jaahir ki hai. Usaka kehna hai ki vah esid ki bikri par ban lagaane se pehle ghareloo istemaal ki khaatir iski bikri ko control karne ke liye kendra aur raajya sarkaaron ki koshishon ka intajaar kareinge. Esid ki bikri ko control karne se sambandhit maamala 7 saal se peinding hone par Supreme court ne naakhushi jaahir ki aur kaha ki agar kendra aur raajya sarkaarein iski bikri ko control karne ke liye koi yojana naheen banaati to vah iski bikri par ban ke baare mein vichaar karega. Delhi mein ek ladki esid ataik mein jakhmi ho gayi thi. Usaki arji par sunavaai ke dauraan Supreme court ne ye tippaniyaan ki. Court ne maamale ki agali sunavaai ke liye 9 July ki taareekh tay ki hai. Adaalat ne 31 August 2012 ko bhi is tarah ki baithak bulaane ka nirdesh diya tha.

Esid Ataik Par Supreme Court Chintit https://www.angrejinews.com/pic/5825