Esaaaiti Jaanch Karaai Jaae BJP

Breaking » Sunday, April 14, 2013

vis. Nai Delhi : Koyala ghotaale ki CBI jaanch report ke maamale mein kendra sarkaar ki dakhalandaaji ko lekar BJP ne ek baar fir UPA sarkaar par hamla karte hue BJP ne use 'Dusht' karaar diya hai. Party ne yah bhi kaha hai ki kol ghotaale ki jaanch ke liye vishesh jaanch dal (esaaaiti) ka gathan hona chaahiye. Rajyasabha mein vipaksh ke neta arun jetali ne is khulaase ke baad kaha ki UPA sarkaar Justice ke raaste mein brekar ban rahi hai. Unhonne kaha ki CBI ko sach saamane laane se roka ja raha hai. Ab saaf ho gaya hai ki CBI sachaai saamane naheen la sakti. Agar vah aisa karne ki koshish karti bhi hai to bhi yah sarkaar use aisa naheen karne degi. Loksabha mein vipaksh ki neta Sushma Swaraj ne bhi ise behad gambhir maamala bataate hue kaha hai ki kol ghotaale ki jaanch report badalavaane ki koshish se saaf hai ki pradhaanamantri ko bachaane ki koshish ki ja rahi hai. Unhonne kaha ki sarkaar apne ghotaalon ko chhipaane ke liye ek ke baad ek koshishein kar rahi hai. Is maamale mein sarkaar ko javaab dena hi hoga.