Enaseepi Neta Ke Naabaalig Bete Ne 3 Ko Kuchala, Bachchi Ki Maut
Breaking » Wednesday, April 17, 2013
Aurangabad. . Raashtravaadi Congress party (enaseepi) ke ek neta ke naabaalig bete ko apni car ke neeche teen logon ko kuchalane ke aarop mein Budhvaar ko giraftaar kiya gaya. Car ke neeche aane vaalon mein se ek teen varsheeya bachchi bhi thi, jiski maut ho gayi. New Aurangabad ilaake ke dooradarshan kendra ke vyastatam chauraahe ke paas mangalvaar ko subah 8.15 baje yah durghatana tab hui jab car chala raha neta ka naabaalig beta car par se niyantran kho baitha. Enaseepi ke pradesh upaadhyaksh aur party ki alpasankhyak shaakha ke adhyaksh A. Kaadir maulaana ke 17 varsheeya bete Sayyed bilaal ko uske car chaalak mohammad amar chaus sahit giraftaar kar liya gaya. Car chaalak durghatana ke samay yaatri seat par tha. Enaseepi ke pradesh pravakta Jitendra avahaad ne kaha, "Kaanoon apna kaam karega aur doshi ke viruddh uchit kaarravaai ki jaaegi. " vaheen party ne is sharmanaak ghatna se khud ko alag kar liya hai. Aurangabad police ke anusaar, Budhvaar ko bilaal dvaara car par niyantran khone ke chalte car ne 35 varsheeya shireesh sonaavaane aur usaki bhateejiyon paanch varsheeya sayaali aur teen varsheeya navya ko kuchal diya. Sheereesh apni bhateejiyon ke saath paas hi ke mandir ja rahe the. Teenon ko kuchalane ke baad car ne ek motorcycle ko dhakka maara aur antat: Ek divaar se ja takaraai aur vaheen ruk gayi.