Enaseepi Ne Congress Par Madha Haar Ka Dosh, Vis Chunaav Mein Party Ko Jyaada Seat Diye Jaane Ki Vakaalat Ki

Breaking »

Enaseepi Ne Congress Par Madha Haar Ka Dosh, Vis Chunaav Mein Party Ko Jyaada Seat Diye Jaane Ki Vakaalat Ki

File photo File photo Mumbai: sharad Pawar ki party enaseepi ne Congress aur pradhaanamantri par nishaana saadha hai. Prafull Patel ne kaha hai ki Congress ne sahayogiyon ko vishvaas mein naheen liya aur pradhaanamantri scene se gaayab ho gaye. Vaheen enaseepi adhyaksh sharad Pawar ne kaha hai ki Loksabha ke pradarshan ke aadhaar par vidhaanasabha ki seatein tay ho. Pawar ne aaj kaha ki unki party ko Maharashtra vidhaanasabha chunaav mein aur adhik seatein milni chaahiye, kyonki Loksabha chunaav ke nateejon ke anusaar mukhya sahayogi Congress raajya mein kamjor rahi hai. Pawar ne kaha, 'Pichhli baar jab hamein Loksabha chunaav mein Congress se kam seatein mileen theen, to unhonne kaha tha ki unhein adhik seatein milni chaahiye. Is baar jab ham seat bantavaare par baat karne ke liye baithein to hamein yeh baat yaad rakhani chaahiye. ' yahaan party padaadhikaariyon ki baithak ko sambodhit karte hue Pawar ne kaha, 'Hamein Congress ke saath seat bantavaare ko antim roop dene mein der naheen karni chaahiye aur vidhaanasabha chunaav ki taiyaari shuroo kar deni chaahiye. ' unhonne kaha, 'Seat bantavaare ko antim roop dete samay hamein yaad rakhana chaahiye ki hamein adhik seatein mili hain. Hamaari sthiti mein sudhaar hua hai. ' gaurtalab hai ki 2009 ke vidhaanasabha chunaav mein enaseepi ne 114 aur Congress ne 174 seaton par chunaav lada tha. Maujooda Loksabha chunaav mein enaseepi ne chaar seatein jeeti hai, vaheen Congress ko keval do seatein mili hain. Pawar ne kaha ki khaadya suraksha kaanoon jaise faisalon ke baavajood hamein safalta naheen mili. Maharashtra mein is yojana ko laagoo karne mein saat maheene ki deri hui. Unhonne kaha ki party netaaon ko 15 June ke baad jilon mein jaakar rallyan karni chaahiye aur samaaj ke anek varg ke logon se milna chaahiye. Pawar ke mutaabik, hamein kuchh deerghakaalik kadam uthaane honge. Hamein baabaasaahab aanbedakar ki 125veen jayanti manaane ke liye yojana banaani chaahiye.

Enaseepi Ne Congress Par Madha Haar Ka Dosh, Vis Chunaav Mein Party Ko Jyaada Seat Diye Jaane Ki Vakaalat Ki https://www.angrejinews.com/pic/51518