Enaseepi Leedar Ke Naabaalig Bete Ne Li Maasoom Ki Jaan

Breaking »

Enaseepi Leedar Ke Naabaalig Bete Ne Li Maasoom Ki Jaan

Aurangabad. . Enaseepi ke senior leedar kaadir maulaana ke naabaalig bete ne apni esayoovi se ek bachchi ko kuchal diya jisse usaki maut ho gayi. Iske alaava usane car se kuchh aur logon ko ghaayal bhi kar diya. Police ne bataaya ki haadase ke baad maulaana ke 17 saal ke bachche ko hiraasat mein le liya gaya hai. Police ke mutaabik, ghatna mangalvaar subah ki hai aur marne waali bachchi ki pehchaan navya prakaash sonaavaane ke roop mein hui hai. Police ne bataaya ki ghatna ke vakt maulaana ka naabaalig beta gaadi chala raha tha jabki driver mohammad amar chaus baraabar waali seat par baitha tha. Sidko police thaane ke senior inspector prataap bhaviskar ne kaha ki navya aur usaki teen saal ki bahan sayaali apne chaacha shireesh sonaavaane (35 saal) ke saath ek mandir ja rahe the. Tabhi hudako TV center chauk ke paas ek car ne unhein takkar maar di. Ghatna ke baad gussaai bheed ne car ko jalaane ka prayaas kiya lekin police ne beech bachaav karte hue sthiti par kaaboo pa liya. Sonaavaane aur unki bhateeji ko ek niji aspataal mein bharti karaaya gaya hai. Haadase waali ghatna CCTV mein kaid ho gayi hai.

Enaseepi Leedar Ke Naabaalig Bete Ne Li Maasoom Ki Jaan https://www.angrejinews.com/pic/5876