Emaesake Prasaad Ne Kaha, Pant Ne Team Mein Lagbhag Jagah Bana Li Thi

Cricket »

Emaesake Prasaad Ne Kaha, Pant Ne Team Mein Lagbhag Jagah Bana Li Thi

Mumbai, 15 April (bhaasha) rishabh pant apne chhote lekin prabhaavi career ke dauraan kai maukon se chooke hain aur unhein sabse bada jhatka chayan samiti ne diya jisne England mein hone vaale aagaami vishv cup ki team mein unke oopar dinesh kaartik ko tarajeeh di. England mein 2017 champions traafi se pehle pant ko staindabaai rakha gaya tha aur chayan samiti ke adhyaksh emaesake prasaad ke anusaar pant ne team mein lagbhag jagah bana li thi. England aur Australia ki sarjameen par shatak jadne vaale pehle bhaarateeya wicket-keeper pant ka daava majaboot tha lekin unhein vishv cup team mein shaamil naheen kiya gaya. prasaad ne kaha, ''Nishchit taur par is maamale par humne vistrut charcha ki. Sanyukt roop se humne mahasoos kiya ki DK (dinesh kaartik) ya pant ko antim ekaadash mein tabhi mauka milega jab maahi (Mahendra Singh Dhoni) chotil hoga. Us sthiti mein agar yeh mahatvapoorn match hoga to, quarter final ya semifinal, to ismein viketakeeping bhi maayane rakhati hai. '' prasaad ki is tippani se pata chalta hai ki chayan samiti pant ki viketakeeping ke baare mein kya sochati hai. Bhaarat ke poorv wicket-keeper ballebaaj prasaad ne kaha, ''Sirf yahi kaaran hai ki humne dinesh kaartik ko chuna varana pant ne team mein lagbhag jagah bana li thi aur vah durbhaagyashaali raha ki team mein naheen chuna gaya. Pant mein kaafi pratibha hai. '' aakraamak ballebaaj pant apni ballebaaji se kisi bhi geindabaaji aakraman ko dhvast karne mein saksham hain. Unhonne dhaaka mein 2016 under 19 vishv cup mein apni bade shot khelne ki kshamata ka najaara pesh kiya aur 12 maheene ke baad England ke khilaaf tee20 ke saath Bhaarat ke liye antararaashtreeya padaarpan kiya. pant ki pratibha par savaal naheen uthaaya ja sakta lekin mauke ganvaane ke liye unki aalochna hoti rahi hai. Unhonne is pahaloo par haalaanki sudhaar kiya hai lekin vah filhaal vishv cup ke liye chayanakartaaon ko prabhaavit naheen kar paae.

Emaesake Prasaad Ne Kaha, Pant Ne Team Mein Lagbhag Jagah Bana Li Thi https://www.angrejinews.com/pic/268121