Ek Saath Do-do 'Chashme Baddoor

Movies » Friday, April 5, 2013

Chandramohan sharma. . Aakhirkaar, saai paraajanpe ne apni 70 ke dashak mein release hui classic kaamidi film 'Chashme baddoor' ko dobaara release karke David dhavan se do-do haath kar hi liye hain. Daraasal, David isi title se film daayarekt kar release karne ki taiyaari mein hain, jis par saai ko aitaraaj hai. Yahi vajah hai ki saai ne unki is film ke apojit apni film release karne ka faisala kar liya hai. Pichhle maheene saai ne ek press conference karke David dvaara nirdeshit film ko apni film ki aatma ke saath khilvaad karne vaala bataaya tha. Saai naheen chaahati theen ki unki film ki pradyoosar jodi gul aanand aur jayashri sequel banaane ke raaits David dhavan ko saunpein. Aise mein, pichhle dinon saai ne jab is film ki distribyooshan company se aproch karke film ko digital faurmait mein kanvart karaaya, tabhi saai ke iraadon ki bhanak lag gayi thi. Is shukravaar Delhi, Mumbai sahit kai bade shaharon ke maltiplekson mein David dhavan dvaara nirdeshit film ke saath-saath saai paraanjape ki faarukh shekh, deepti naval, Saeed Jaffrey, Rakesh bedi aur ravi vaasavaani staarar 'Chashmebaddoor' bhi release hogi. Isse pehle Amitabh Bachchan staarar Don ko jab farahaan Akhtar ne banaaya to pichhli film ke director chand baarot ne iska khulkar virodh kiya tha, lekin aisa pehli baar ho raha hai jab ek director apni film ko uske sequel ke saath release kar rahi hon. Saai ka kehna hai, 'Main chaahati hoon ki aaj ki yuva peedhi meri film ko bhi dekhkar faisala kare ki kaun-si film achhi hai. '