Ek Saal Mein Delhi Ki Hava Mein Hua Maamooli Sudhaar Sarkaar

Breaking »

Ek Saal Mein Delhi Ki Hava Mein Hua Maamooli Sudhaar Sarkaar

Nai Delhi Raashtreeya rajdhani Delhi mein hava ki gunavatta mein varsh 2018 mein 2017 ki tulana mein maamooli sudhaar hua hai. Paryaavaran, van evam jalavaayu parivartan mantri da. Harshavardhan ne Rajyasabha mein ek savaal ke likhit javaab mein bataaya ki 2018 mein Delhi ki vaayu gunavatta mein 2017 ki tulana mein maamooli sudhaar hua hai. Unhonne bataaya ki is avadhi mein vaayu gunavatta soochakaank ke aadhaar par 'Achhi' se 'Madhyam' shreni ki hava vaale dinon ki sankhya 159 ho gayi hai. Yeh sankhya 2017 mein 152 aur 2016 mein 108 thi. Unhonne bataaya ki 'Kharaab' se 'Atyadhik kharaab' shreni ke dinon ki sankhya 2018 mein ghatkar 206 ho gayi hai. Jabki 2017 mein yeh sankhya 213 aur 2016 mein 246 thi. Isi tarah vaayu pradooshan ke kaarak tatvon PM 2.5 aur PM 10 ka vaarshik ausat maan 2018 mein ghatkar 243 aur 115 ho gaya hai. Iska star 2017 mein 266 aur 124 tatha 291 evam 135 tha. Da. Harshavardhan ne Delhi mein vaayu pradooshan ke srot aur green house gaison ke utsarjan aadi ke prabhaav se jude IIT Kanpur ki adhyayan report ka havaala dete huye kaha ki Delhi ke vaayu pradooshan mein sarvaadhik hissedaari vaahan, baayomaas jalaaya jaana, koyala aur fly aish tatha thos apashisht ka jalaaye jaane ki hai.

Ek Saal Mein Delhi Ki Hava Mein Hua Maamooli Sudhaar Sarkaar https://www.angrejinews.com/pic/254086