Ek Pakhavaare Baad Bhi NIA Ko Naheen Mila Mahaanideshak

India » Saturday, April 27, 2013

arun Dixit. Nai Delhi aatank se jude maamalon ki jaanch ke liye khaastaur par banaai gayi raashtreeya jaanch agency (NIA) ke mahaanideshak ka pad khaali hue ek pakhavaade se jyaada ka samay beet gaya hai, lekin gruh mantraalaya nae mahaanideshak ka chayan naheen kar paaya hai. Mantraalaya ke vishvasaneeya sootron ke mutaabik, abhi tak is pad ke liye IPS adhikaariyon ka panel bhi naheen bana hai. Ullekhaneeya hai ki sarkaar ne pichhle maheene NIA ke mahaanideshak S. Si. Sinha ko raashtreeya maanav adhikaar aayog ka sadasya niyukt kar diya tha. Haalaanki sinha ki sevaanivrutti mein kareeb 6 maheene baaki the. NIA ke atirikt mahaanideshak ko kaaryavaahak mahaanideshak bana diya gaya tha. Pehle Orissa ke police mahaanideshak ko is pad par laane ki koshish ki gayi thi, lekin unhonne inkaar kar diya. Baad mein CBI ke special director saleem Ali ko mahaanideshak ka prayaas kiya gaya, lekin unhonne bhi is pad par aane mein ruchi naheen dikhaai. Is beech enadeeaaraef ke mahaanideshak aur Bihar kaidar ke 1978 baich ke IPS adhikaari da. Pi. M. Nair ka naam bhi is pad ke liye chala. Lekin sarkaar koi faisala naheen kar paai. Ab is post ke liye Haryana kaidar ke 1979 baich ke IPS adhikaari sharad Kumar ka naam chal raha hai. Haalaanki gruh mantraalaya ke adhikaari abhi tak is mudde par kuchh bhi bolne ko taiyaar naheen hain, lekin unhonne is baat ki pushti ki hai ki abhi tak koi faisala naheen huaa hai.