'Ek Jaise The Lohiya-deenadayaal Ke Vichaar

Breaking »

'Ek Jaise The Lohiya-deenadayaal Ke Vichaar

Chitrakoot. . Bhaarateeya janta party (BJP) ke neta Lal Krishna Advani ne femas samaajavaadi chintak Ram manohar lohiya aur BJP ke siddhaant purush deenadayaal upaadhyaaya ke bahaane musalmaanon ke beech party ki sveekaaryata badhaane ki garaj se Bhaarat-Pakistan mahaasangh ki sambhaavnaaon ki baat uthaai hai. Advani ne Budhvaar ko do divseeya pradesh kaaryasamiti ki baithak ka udghaatan karte hue kaha ki janasangh aur BJP keval raajaneetik dal naheen hai balki ek saanskrutik raashtravaad ke mahaan abhiyaan ka hissa hai, lihaaja unki badi javaabadehi hai. Poorv upapradhaanamantri ne kaha ki deenadayaal upaadhyaaya ne Doctor lohiya se kaha tha ki ek din aaega jab Pakistan ke jyaadaatar musalmaan is baat ko samjheinge ki unhonne Bhaarat ka vibhaajan karke ya khud ko Bhaarat se alag karke apna nuksaan hi kiya hai. Aisi sthiti jab aaegi tab poori sambhaavana hogi ki Bhaarat aur Pakistan milkar ek sanghaatmak dhaancha banaaen. Ve ek naheen honge par donon ka mahaasangh ban sakta hai. Advani ne kaha ki lohiya ne deenadayaal ke is vichaar ko adbhut bataate hue ek sanyukt vaktavya jaari kiya tha jis par janasangh ki taraf se deenadayaal aur samaajavaadi party ki or se lohiya ne hastaakshar kiye the. Lohiya ne ise bahut bada kadam karaar dete hue kaha tha ki isse vyaapak janamaanas janasangh ko sveekaar karne ko taiyaar ho jaaega. Unhonne kaha ki lohiya ne ek baar unase kaha tha ki vah samaajavaadi hain lekin bhaarateeya janasangh ke raashtravaad ke aadarsh ka sammaan karte hain. Muslim samaaj agar janasangh ki taraf naheen jhukata hai to usaka kaaran vibhaajan ke baad desh ko akhand banaane ki janasangh ki mansha hai. Saamaanya musalmaan ko iska yah matlab lagaata hai ki agar janasangh satta mein aaya to vah Pakistan par hamla karke use Bhaarat ka hissa bana lega. Advani ne kaha ki vah us vakt patrakaar the aur unhonne lohiya se kaha tha ki unki yah kalpana galat hai. Unhein is baare mein janasangh ke sarvashreshth vichaarak pandit deenadayaal upaadhyaaya se baat karni chaahiye. Lohiya ki deenadayaal se bheint bhi hui jismein unhonne musalmaanon mein janasangh ke prati negetiv bhaavana par apna mat jaahir kiya, is par upaadhyaaya ne kaha ki jyaadaatar musalmaan desh ke vibhaajan ke paksh mein naheen the aur ek vakt aaega jab Bhaarat-Pak mahaasangh banane ki sambhaavana banegi. Advani ne kaha, 'Do saal pehle lohiya ke janmadin par pradhaanamantri Manmohan Singh ne unase poochha tha ki Bhaarat-Pak mahaasangh banane ki kitni sambhaavana hai. Mainne kaha tha ki jab deenadayaal ji ne kaha tha tab taatkaalik paristhitiyon mein aage chalakar mahaasangh ke gathan ki sthitiyaan ban sakti theen. Atal ji ke pradhaanamantritv kaal mein bhi aisa ho sakta tha. Lekin agar aap Pakistan se har keemat par vaarta jaari rakhane ki neeti apanaaenge to mahaasangh naheen ban sakega. ' BJP neta ne aagaami Loksabha chunaav mahaasamar ko lekar party ki man: Sthiti ka jikr karte hue kaha, 'Ham chunaav ladeinge, jeeteinge, haareinge, aage badh jaaenge, lekin saanskrutik raashtravaad ke mahaan abhiyaan ka hissa hone ke naate hamaari javaabadehi badi hai. Is baat ko hamaara kaaryakarta jitna adhik samajhega utana hi achha hoga. ' unhonne kaha, 'Koi bhi dal khaas paristhitiyon mein janm leta hai. Dheere-dheere haalaat badalate hain lekin mool siddhaant naheen badalate. Agar un siddhaanton ko akshunn rakhakar party ke neta parivrtit haalaat mein apne mool siddhaanton ki vyaakhya kar sakein to vah bahut bada kaushal kaha jaaega. '

'Ek Jaise The Lohiya-deenadayaal Ke Vichaar https://www.angrejinews.com/pic/4323