Ek Gaanv Jiska Har Parivaar Karodpati

India »

Ek Gaanv Jiska Har Parivaar Karodpati

deveindr uppal . Hisaar Haryana ke fatehaabaad jile ka digoh ek aisa gaanv hai, jahaan har parivaar ke paas behisaab daulat hai. Gaanv mein 100 parivaaron ka vaas hai aur har parivaar ka mukhiya karodpati hai. Pratyek parivaar se kam se kam ek sadasya videsh mein basa huaa hai. Gaanv ka har ghar apne aap mein ek aaleeshaan kothi hai. Atyaadhunik sukh suvidhaaon se yukt ye kothiyaan is gaanv ke baashindon ki samruddhi aur karmathata ka ehsaas karaati hain. 1952 mein Rajasthan se aae the kisaan gaanv ke vikaas ki kahaani 1952 se shuroo hui thi, jab Rajasthan ke raayasinh nagar se aae mehanatakash sikh kisaan is gaanv mein bas gaye. Raayasinh nagar nivaasi jvaala Singh, sardaar foohad Singh, sardaar kehar Singh, teja Singh, nageena Singh va malakeet Singh ne kareeb dhaai lakh rupaye ki keemat se yahaan 58 ekad jameen khareedi thi. In kisaanon ne jameen ko kheti yogya banaaya. Kadi mehnat se jab jameen sona ugalane lagi to in kisaanon ne apne parivaaron ko yahaan bula liya. Videshon mein kamaai ki raah pakadi 1970 ke aas-paas gaanv ka ek yuvak boota Singh kaam-dhandhe ki talaash mein England jaakar bas gaya. Apni mehnat ke boote boota Singh kuchh hi saal mein karodpati ban gaya. Gaanv ke yuvakon par boota Singh ki safalta ka chadha bukhaar 43 saal baad bhi utarane ka naam naheen le raha hai. Gaanv ke 125 vyakti is samay America, Canada, Germany, England, dubai, Italy, osteraliya, naarve aur anya deshon mein jaakar kaam dhandhe kar rahe hain. Gaanv mein pratyek parivaar ka kam se kam ek sadasya videsh mein basa huaa hai. Kai parivaaron ki kothiyon par taale latake hain aur jameen ko unhonne theke par day rakha hai. Videsh se aane vaale dhan ki badaulat gaanv ki sampannta ka maarg prashast ho gaya hai. Gaanv mein har parivaar ke paas shaanadaar kothi, naukar-chaakar, lagjari athva semi lagjari gaadiyaan hain.

Ek Gaanv Jiska Har Parivaar Karodpati https://www.angrejinews.com/pic/8050