ENG Vs WI England Ne Banaai 142 Ranon Ki Badhat

Cricket »

ENG Vs WI  England Ne Banaai 142 Ranon Ki Badhat

Seint loosiya Mark vud aur moin Ali ki damadaar geindabaaji ke dam par England ne daaren saimi naishanal cricket stadium mein vest Indies ke khilaaf teesare test match mein ravivaar ko 142 ki badhat banaai. Doosare din ka khel samaapt hone tak mehmaan team ne apni doosari paari mein bina koi wicket khoe 19 run bana liye hain. Salaami ballebaaj rori barns 10 aur keetan jenings 8 run banaakar naabaad hain. Isse pehle, England ne apni pehli paari mein shanivaar ke score 4 wicket par 231 ranon se aage khelna shuroo kiya. Vest Indies ke geindabaajon ne behatareen geindabaaji ki aur mehmaan team ko 277 ranon par samet diya. All-rounder khilaadi ben stoks ne sabse adhik 79 run banaae jabki jos butler ne bhi 67 ranon ka aham yogadaan diya. Vest Indies ki or se kemaar roch ne chaar jabki keemo paal, shenaan gebriyl aur aljaari Joseph ne do-do wicket liye. Mejabaan team ki shuruaat pehli paari mein shaanadaar rahi. Usane 57 ke kul yog par kaptaan kreg braathavet (12) ke roop mein pehla wicket khoya. Unhein moin Ali ne pavilion bheja. Ali ne agali hi geind par John kainpabel (41) ko out karke mejaaban team ko doosra jhatka diya. Iske baad, mejabaan team ki paari ladakhada gayi aur usane 104 run par hi apne 7 wicket wicket ganva diye. Vud ne vest Indies ke madhyakram ke chaar ballebaajon ko pavilion bheja. Shane daavorich (38) ne roch (16) ke saath milkar vest Indies ki paari ko sambhaalne ka prayaas kiya lekin 145 ke kul yog par daavorich ko out karke stuart braud ne mejabaan team ki vaapasi ke saare raaste band kar diye. Vest Indies ki poori team mahaj 154 ranon par all out ho gayi aur England ko pehli paari ke aadhaar par 123 ranon ki badhat mili. Mehmaan team ke liye vud ne 5 jabki Ali ne 4 wicket chatakaae. Braud ko ek wicket mila.

ENG Vs WI England Ne Banaai 142 Ranon Ki Badhat https://www.angrejinews.com/pic/254065