Durghatana Peedit Ke Ilaaj Mein Hui Thi Laaparavaahi

India »

Durghatana Peedit Ke Ilaaj Mein Hui Thi Laaparavaahi

Chandigarh. . Uttar Bhaarat ke jaane maane chikitsa sansthaan Chandigarh ke PGI ki laaparavaahi ke kaaran dam todne waali chhaatra anupama ka maamala ab raashtreeya upabhokta vivaad nivaaran aayog pahunch gaya hai. Anupama ke parivaaravaalon ne apni shikaayat mein muaavaja badhaane ki maang ki hai. Bata dein ki anupama pichhle saal 24 July ko bas ke neeche aane se ghaayal ho gayi thi. Usaka ilaaj PGI mein chala tha, jahaan usane dam tod diya. Is maamale mein PGI par laaparavaahi baratne ka aarop lagaya tha. Maamale ki sunavaai karte hue Chandigarh raajya upabhokta vivaad nivaaran aayog ne Chandigarh transport andarateking (seeteeyoo) aur PGI ko 10 lakh rupaye ka muaavaja dene ka aadesh diya tha. Ismein 7 lakh PGI ko aur 3 lakh seeteeyoo ko mrutaka ke parijanon ko dene ke aadesh diye gaye the. Doosari taraf, mrutaka ka parivaar 85 lakh ka muaavaja maang raha hai. Mrutaka ke vakeel pankaj chaandagothiya ne bataaya ki naishanal kamishn ke paas PGI ka klem badhaane ki demand ki gayi hai, jabki seeteeyoo ke baare mein kuchh naheen kaha gaya hai. Naishanal kamishn ko di gayi shikaayat mein 75 lakh rupaye ka klem kiya gaya hai. Kamishn ab is maamale ki sunavaai 3 May ko karega. Yah sunavaai kamishn ke adhyaksh Justice (retired) ashok bhaan ki bench ke saamane hogi. Yah bench Chandigarh sthit sector-16 ke sarkaari aspataal mein galat khoon chadhaae jaane se ek bachche ki maut se jude maamale ki sunavaai bhi kar rahi hai.

Durghatana Peedit Ke Ilaaj Mein Hui Thi Laaparavaahi https://www.angrejinews.com/pic/6251