Dulahan Naheen Maani, Doolhe Raaja Bairang Gaye

Breaking »

Dulahan Naheen Maani, Doolhe Raaja Bairang Gaye

enabeeti news. Kurukshetr yamunaanagar ke jagaadhari kshetr mein durga garden colony mein somvaar shaam ko ho rahi shaadi mein us samay sabhi dang rah gaye jab dulhan mandap se uthakar seedhe police chauki pahunch gayi. Der shaam tak police is maamale ki chhaanabeen mein lagi rahi. Lekin jab koi hal naheen nikla to donon pakshon ko mangalvaar ko bulaaya gaya. Police ke anusaar, jagaadhari nivaasi gaganadeep ki somvaar ko shaadi thi. Durga garden mein baaraat pahunch gayi. Shaadi ki sabhi taiyaariyaan jor-shor se chal rahi thi. Feron ka samay tha. Dulhan kapade badalne gayi thi. Lekin kaafi samay tak vah mandap naheen pahunchi. Do ghante intajaar ke baad bhi dulhan jab mandap mein naheen pahunchi to doolhe ke parijanon ne chhaanabeen shuroo kar di. Is dauraan halla mach gaya ki dulhan apni maan ke saath mandap se faraar ho gayi. Yah bhi aarop lagaaya gaya ki dulhan joolari aur anya saamaan bhi saath le gayi hai. Kaafi der vahaan par gahamaagahami ka maahaul bana raha. Doolha paksh jab dulhan ke laapata hone ki shikaayat lekar arjun nagar chauki mein pahuncha to sabhi hairaan rah gaye. Dulhan pehle se hi police chauki mein baithi thi. Vaheen, thaana prabhaari Rajiv miglaani ka kehna hai ki dulhan ne unhein bataaya hai ki parivaar vaale usaki shaadi jabaradasti karna chaahate hain. Ladki se is baare mein likhit mein shikaayat maangi hai. Thaana prabhaari ne bataaya ki mangalvaar ko var aur vadhoo paksh ke logon ko bulaaya gaya tha, aakhirkaar dulhan ne doolhe ke saath shaadi rachaane se inkaar kar diya hai. Donon pakshon ka len den ka aapasi samjhauta ho gaya aur doolha bina dulhan ke baaraat ke saath vaapas chala gaya.

Dulahan Naheen Maani, Doolhe Raaja Bairang Gaye https://www.angrejinews.com/pic/8007