Dravid Ne Kiya Rahaane Ko Difeind

Cricket »

Dravid Ne Kiya Rahaane Ko Difeind

Nai Delhi. . Ajinkya rahaane ka test padaarpan yahaan pichhle maheene bhale hi niraashaajanak raha ho lekin Rajasthan Royals team mein unke kaptaan Rahul Dravid ne is yuva cricketer ka samarthan karte hue kaha ki vah Kotla ke 'Kharaab' wicket par vifal rahe aur apni pratibha dikhaane ke liye aur maukon ke hakdaar hain. Ferozshah Kotla mein Australia ke khilaaf teen din mein samaapt hue test waali series ke chauthe aur antim match mein rahaane ka padaarpan niraashaajanak raha aur vah do paariyon mein saat aur ek run hi bana paae. Dravid ne IPL ke maujooda tournament mein achhe pradarshan ke liye rahaane ka samarthan karte hue kaha, 'Rahaane Australia ke khilaaf kharaab wicket par vifal rahe. Us test mein unke pradarshan ko gambheerta se naheen liya jaana chaahiye. Vah aur adhik maukon ka hakdaar hain. ' Delhi Daredevils ke khilaaf kal yahaan hone vaale IPL chhah ke apne pehle match se poorv Dravid ne samvaadadaataaon se kaha, 'Rahaane ko bhaarateeya team mein khelne ka mauka mila kyonki usane ghareloo cricket mein kaafi run banaae hain. Mujhe yakeen hai ki use team ka pratinidhitv karne ke aur mauke mileinge.

Dravid Ne Kiya Rahaane Ko Difeind https://www.angrejinews.com/pic/4580