Dravid Aur Vaurn Ki Kaiptansi Ka Style Juda Hai Ajinkya Rahaane

Cricket »

Dravid Aur Vaurn Ki Kaiptansi Ka Style Juda Hai Ajinkya Rahaane

Nai Delhi. . Shane vaurn aur Rahul Dravid donon ki kaptaani mein khel chuke ajinkya rahaane ka maanana hai ki in mahaan cricketeron ki kaptaani ki shaili ek doosare se ekdam alag hai. Rahaane ne guruvaar ko Delhi Daredevils ke khilaaf match se pehle team hotel mein patrakaaron se baatcheet mein kaha, 'Vaurn aur Dravid donon mahaan khilaadi hain lekin unki shaili kaafi alag hai. Rahul bhaai cheejein saral rakhana pasand karte hain jabki vaurn ka bharosa hamesha nae prayog karne mein tha. Aisa naheen hai ki unke saare prayog safal hote the lekin vah prayogadharmi the. ' yah poochhane par ki donon se maidaan se itar unhonne kya seekha, rahaane ne kaha, 'Main maidaan par ki baatein hi karna chaahoonga. Maine Shane se bahut kuchh seekha. Donon Rahul bhaai aur Shane se sampark karna mushkil naheen tha. ' vaurn ne use 'Jinks' nick name diya tha aur bhaarateeya dresing room mein unhein isi naam se jaana jaata hai. Unhonne kaha, 'Vaurn ko mera naam ajinkya kaafi kathin lagta hoga lihaaja unhonne ise jinks kar diya. Rahul bhaai mujhe ajjoo bulaate hain. ' Rajasthan Royals ne Ferozshah Kotla maidaan par koi match naheen jeeta aur is maidaan par test cricket mein padaarpan karne vaale rahaane koi kamaal naheen kar sake the. Unhonne kaha, 'Main ateet ki taraf naheen dekhta aur aaj mein jeene ki koshish karta hoon. Main ve galatiyaan naheen karna chaahata jo pehle ki theen. Delhi ke khilaaf pichhla match niraashaajanak raha tha kyonki ham sirf ek run se haare the. ' maujooda IPL mein achha pradarshan karke champions trofi team mein jagah pakki karne ka manch hoga lekin rahaane itne aage ki naheen soch rahe. Rahaane ne kaha, 'Abhi champions trofi mein do maheene baaki hain. Filhaal main match dar match rananeeti bana raha hoon. ' bhaarateeya team ke liye adhik match naheen khel sake rahaane aksar bench par hi rahe hain lekin unka maanana hai ki iska asar IPL mein unke pradarshan par naheen padega. Unhonne kaha, 'Aise haalaat mein dhalane ka shaoor aana chaahiye. Meri taakat roj nai cheej seekhana aur besiks saral rakhana hai. ' rahaane ke liye Dravid unke aadarsh rahe hain aur vah roj unase kuchh seekhate hain. Unhonne kaha, 'Dravid aur Tendulkar bachapan se mere aadarsh rahe hain. Rahul bhaai itne vinmr hain aur unhein cricket ki bahut samajh hai.

Dravid Aur Vaurn Ki Kaiptansi Ka Style Juda Hai Ajinkya Rahaane https://www.angrejinews.com/pic/4578