Drags Case Ram Singh Ke Sambandhi Ke Ghar Se Nasheele Padaarth Jabt
Sports » Wednesday, April 3, 2013
Fatehagadh saahib (Punjab). . Boxer vijeindar Singh ke liye aur mushkilein khadi hoti dikh rahi hain kyonki police ne sangaroor mein unke saathi Ram Singh ke sambandhi ke ghar se paanch kilogram nasheele padaarth jabt kiya hai. Police ne bataaya ki Ram Singh ke sambandhi ravichran Singh ke ghar se ravivaar ko police ne paanch kilogram methaamfetaamaain jabt kiya tha. Unhonne kaha ki unke ghar se pradarshan sudhaarane vaala pratibandhit syoodofadraain bhi jabt kiya gaya. Unhonne yah bhi kaha ki maadak padaarthon ki jabti ke dauraan ravichran vahaan maujood naheen tha. Blog padhiye: Vijeindar ko dhool mein mat milaaie ravichran swayam bhi kabhi raajya stareeya mukkebaaj rah chuka hai aur usane kuchh punjabi elabamon mein bhi kaam kiya. Police ko aashanka hai ki vah chhup gaya hai. Jabti ke baad police ne kaha ki is poore maamale mein vah sabhi binduon par jaanch kar rahi hai jismein kathit maadak padaarth taskar anoop Singh mukhya aaropi hai. Anoop Singh urf roobi kathit Canadai drag smagalar hai jise ek maheene pehle 136 karod ki keemat ke 26 kilogram heroin ke saath uske jiraakapur sthit aavaas se giraftaar kiya gaya tha. Jiraakapur Chandigarh ke baahari ilaake mein sthit hai. Isse pehle vijeindar ne maadak padaarth racket mein kisi bhi tarah se apni bhoomika se inkaar kiya tha. Haryana ke DSP ke pad se navaaje gaye vijeindar ka naam is maadak padaarth maamale mein tab saamane aaya tha jab unki patni ki esayoovi car jiraakapur mein anoop Singh ke ghar ke baahar mili theen aur usamein sandigdh saamaan bhi baraamad hue the. Is maamale mein naya mod tab saamane aaya jab vijeindar ke ek saathi dinesh Kumar ne Punjab police par aarop madhe. Dinesh asian khel mein rajat padak vijeta raha hai, usane aarop lagaaya ki vijeindar ki jis car mein maadak padaarth baraamad hue the, us car ko Punjab police ne hi us flat ke baahar khada kiya tha.