Double Power Center Par Rajnath Ka Nishaana

Breaking »

Double Power Center Par Rajnath Ka Nishaana

Udaipur. . Congress ke do satta keindron par guruvaar ko BJP adhyaksh Rajnath Singh ne hamla karte hue kaha ki yah pehla mauka hai, jab Congress ek naheen balki do-do netaaon ke naam par chunaav maidaan mein utarane ja rahi hai. Unhonne kaha ki hakeekat yah hai ki Congress ke paas koi neta hi naheen bacha hai aur maujooda sarkaar itni kamjor ho chuki hai ki vah kabhi bhi ja sakti hai. Suraaj sankalp rally mein BJP adhyaksh ne kaha ki Congress ke paas netrutv hi naheen hai. Congress ke log kehte hain ki ve is baar ka chunaav Dr. Manmohan Singh aur soniya Gandhi ki aguvaai mein ladeinge. Yah pehli baar dekha ja raha hai ki Congress ko chunaav ke liye do-do netaaon ke naam ki jaroorat pad rahi hai aur yah sabhi jaante hain ki do naav mein savaar hone vaalon ka kya hashr hota hai. Unhonne kaha ki maujooda UPA sarkaar behad kamjor ho chuki hai aur ab sirf vah CBI ki baisaakhiyon par tiki hui hai. Aise mein yah sarkaar kisi bhi vakt ja sakti hai. Raajya mein BJP aur Congress sarkaaron ki tulana karte hue unhonne kaha ki BJP shaasan mein Rajasthan mein 24 hajaar kimi sadkein bani lekin maujooda Congress ke shaasan mein mahaj 5 hajaar kimi sadkein bani hain. Aise mein ab keind ke saath hi raajya ki sarkaar ke bhi jaane ka vakt aa gaya hai.

Double Power Center Par Rajnath Ka Nishaana https://www.angrejinews.com/pic/4464