Doshi Kriketars Par Aajeevan Ban Lagaaenge BCCI Adhyaksh Shreenivaasan

Breaking »

Doshi Kriketars Par Aajeevan Ban Lagaaenge BCCI Adhyaksh Shreenivaasan

Chennai. . IPL 6 ke daaman par lage spot fixing ke daag ko lekar chennai mein BCCI ke big bauses ki aham baithak hui. Meeting ke baad BCCI prejideint N. Shreenivaasan ne cricket mein fixing ko lekar apna palla jhaadte hue kaha ki BCCI ka bukeej par koi control naheen hai. Kal tak fixing mein fanse aaropi kriketars ka paroksh roop se bachaav kar rahe shreenivaas ne kaha ki fixing kriketars ke laalach ka nateeja hai. Unhonne kaha, 'Buki par hamaara control naheen. Choonki ham sarkaari sanstha naheen hain isliye ham sattebaajon par lagaam naheen laga sakte. Police ke paas adhikaar hain, hamaare paas naheen aur isliye vah hi sattebaajon ko rok sakti hai. ' unhonne kaha ki sanstha police ko bhi jaanch mein har tarah ki madad karegi. Unhonne yah bhi saaf kar diya jab tak jaanch mein khilaadiyon ko doshi saabit naheen kiya jaata, tab tak unke khilaaf koi kaarravaai naheen ki jaaegi. BCCI ne Delhi police commissioner se poore maamale ki report maangi hai. Ainti-corruption unit karegi jaanch pulisiya jaanch ke atirikt BCCI poore maamale ki khud se jaanch karegi. Jaanch ka jimma ravi sayaani ko diya gaya hai. Ravi sayaani ainti corruption unit ke pramukh hain. Ainti corruption unit ki jaanch report ke baad kaarravaai hogi. Ainti corruption unit ne sattebaajon par lagaam kasane ko lekar apni or se laachaari jataai hai. Ye kaarravaai ho sakti hai shreenivaasan ne kaha hai ki yadi jaanch mein khilaadiyon ke khilaaf dosh saabit hote hain to doshi khilaadiyon ke khilaaf kadi kaarravaai hogi. Unhonne kaha ki Rajasthan Royals ke maalik khilaadiyon ke khilaaf case darj karavaaenge. Doshi paae jaane par khilaadiyon ko lifetime ban tak karne ka faisala liya gaya hai. Ehatiyaati kadam uthaae jaaenge is tarah ki ghatnaaen dobaara na hon, iske liye yah faisala liya gaya ki ehatiyaati kadam uthaae jaaen. Iske liye faisala liya gaya ki khilaadiyon ke alag se hotel mein rukane par paabandi lagaai jaaegi. Unhonne kaha ki fixing khilaadiyon ke laalach ka nateeja hai aur ab se har team ki apni ek ainti corruption speshan unit hogi jo ki kisi bhi tarah ki gadbadi par najar rakhegi. Kya hai poora maamala Delhi police ke special sel ne IPL 6 mein shaamil team Rajasthan Royals ke teen cricketeron S. Shreeshaant, ankit chavhaan aur ajeet chandeela ke alaava saat bukeej ko IPL mein spot fixing ke aaropon mein giraftaar kiya. Sabhi cricketer Mumbai se Budhvaar der raat giraftaar kiye gaye. Mumbai Indians aur Rajasthan Royals ke beech kal khele gaye match samet IPL ke teen maichon mein spot fixing kiye jaane ki aashanka hai. In teenon maichon mein fixing ke liye khilaadiyon ko 1 karod 20 lakh rupae diye gaye. Haalaanki ismein se 20 lakh rupae ek khilaadi se bukiyon ne vaapas le liye kyonki vah over se pehle ishaara karna bhool gaya. 5 din ki police remand Mumbai se Budhvaar der raat giraftaar kiye gaye teenon khilaadiyon ko guruvaar ko Delhi laaya gaya. Shaam ko teenon khilaadiyon ko saaket court ke judge ke saamane unke ghar par pesh kiya gaya. Judge ne shreeshaant, ankit chavhaan aur ajeet chandeela ko 5 dinon ke liye police hiraasat mein bhejane ka aadesh diya.

Doshi Kriketars Par Aajeevan Ban Lagaaenge BCCI Adhyaksh Shreenivaasan https://www.angrejinews.com/pic/9020