Doosra Daur Jeetkar Bhaarat Vishv Mahila Hockey League Ke Teesare Daur Mein

Breaking »

Doosra Daur Jeetkar Bhaarat Vishv Mahila Hockey League Ke Teesare Daur Mein

Nai Delhi: Bhaarateeya mahilaaon ne vishv hockey league doosare daur ke apne aakhiri match mein ausat pradarshan ke baavajood roos ko 1-0 se haraakar tournament jeetate hue teesare daur ke liye qualify kar liya. FIH ranking mein apne se aath paayadaan neeche 20vein sthaan par kaabij roos ke khilaaf bhaarateeya mahilaaen prabhaavi pradarshan naheen kar saki. Pehle half mein donon teemein gol karne mein naakaam rahi jabki doosare half mein star striker raani Rampal ne ekamaatr gol 51vein minute mein kiya. Isse pehle, Malaysia ko 4-0 se haraakar Japan teesare daur mein pravesh karne waali pehla team bani. Japan aur Bhaarat donon ke paanch-paanch maichon mein 13 ank rahe lekin Bhaarat adhik jeet darj karne ke kaaran sheersh par raha. Malaysia, roos, kajaakhastaan ke paanch maichon mein kramash: Nau, saat aur teen ank rahe jabki fiji khaata bhi naheen khol saka. Vishv hockey league ke praaroop ke tahat doosare daur mein 24 teemon ne chaar alag-alag jagahon par chhah-chhah teemon ka tournament khela. Inmein se har tournament ki sheersh do teemon ne teesare daur ke liye qualify kiya jismein vishv ranking ki sheersh aath teemein bhi kheleingi. Mejabaan haalaid bhi inmein shaamil hai yaani kul 16 teemein teesare daur mein hongi. Final daur mein aath teemein kheleingi.

Doosra Daur Jeetkar Bhaarat Vishv Mahila Hockey League Ke Teesare Daur Mein https://www.angrejinews.com/pic/2740