Doosare Match Mein Bhi Naheen Kheleinge Sehwag

Cricket »

Doosare Match Mein Bhi Naheen Kheleinge Sehwag

Nai Delhi. . Visfotak salaami ballebaaj Virendra Sehwag Rajasthan Royals ke khilaaf shanivaar ko Ferozshah Kotla mein hone vaale Delhi Daredevils ke doosare IPL match mein bhi naheen khel paaenge, kyonki vah abhi tak poori tarah fit naheen ho paae hain. Sehwag peeth dard ke kaaran Kolkata Knightriders ke khilaaf pehle match mein bhi naheen khel paae the jismein Daredevils ko chhah wicket se haar ka saamana karna pada tha. Daredevils ke salaami ballebaaj David Warner pushti ki ki Sehwag kal ka match naheen khel paaenge. Unhonne match ki poorv sandhya par samvaadadaataaon se kaha, 'Vah (Sehwag) abhi poori tarah fit naheen hain aur kal ka match naheen khelega. Haalaanki vah achhi pragati kar raha hai aur physio ki madad le raha hai lekin abhi khelne ki sthiti mein naheen hai. ' Sehwag aaj Ferozshah Kotla maidaan par pahunche lekin vah nets par naheen aae.

Doosare Match Mein Bhi Naheen Kheleinge Sehwag https://www.angrejinews.com/pic/4579