Doctor Se Maangi Gayi 10 Lakh Ki Rangadaari

India »

Doctor Se Maangi Gayi 10 Lakh Ki Rangadaari

enabeeti news . Hisaar : Fatehaabaad jile ke upamandal tohaana ke Dr. Subhaash Bhatia ko dhamaki bhara patra bhejkar 10 lakh rupaye ki rangadaari maangi gayi hai. Rakam naheen dene par uske bachchon ko agava kar hatya karne ki chetaavani bhi di gayi hai. Tohaana ke Bhatia nagar nivaasi Dr. Subhaash Bhatia ne police mein shikaayat dekar bataaya ki dhamaki bhara gumanaam patra 26 March ko uske klinik ke pate par aaya. Patra mein rangadaari ki raashi uske kanpaaundar ko dene ke liye likha gaya tha, jisse vah nagar parishad mein aate-jaate le lega. Dr. Subhaash Bhatia ne patra ko police ke havaale kar diya. Is maamale ki jaanch sahaayak upanireekshak raajasavindr Singh ko saunpi gayi hai. Police jaanch kar karke yah pata lagaane ki koshish kar rahi hai ki yah patra kahaan se dispaich kar daak mein daala gaya. Sabhi pahaluon ko police ne apni jaanch ke daayare mein rakha hai. Dhamaki bhara patra milne ke baad Dr. Bhatia ne apne parivaar ki suraksha ke liye niji surakshaakarmi ki sevaaen li hain.

Doctor Se Maangi Gayi 10 Lakh Ki Rangadaari https://www.angrejinews.com/pic/4269