Do Saal Mein 8 Feesadi Ke Growth Rate Par Laut Aaega Bhaarat Chidambaram

Business »

Do Saal Mein 8 Feesadi Ke Growth Rate Par Laut Aaega Bhaarat Chidambaram

New yaurk. . Bhaarateeya arthavyavastha mein narami ko thode vakt ka bataate hue vittamantri pi Chidambaram ne aaj kaha ki yah do saal mein 8 feesadi ke growth rate par laut aaegi. Iske saath hi unhonne kaha ki Bhaarat saalaana 50 arab dollar ka pratyaksh videshi nivesh (FDI) khapa sakta hai. Chidambaram ne chaaloo khaate ke ghaate ke adhik hone ki vaastavikta ko sveekaarate hue ummeed jataai ki tel ki keematon mein narami se yah ghaata ghataane mein madad milegi. Yah 2012-13 mein badhkar GDP ka lagbhag paanch feesadi ho gaya hai. Yahaan antararaashtreeya media ko sambodhit karte hue Chidambaram ne kaha ki sarkaar sector ke hisaab se FDI limit ki sameeksha kar rahi hai. Unhonne kaha, 'Bhaarat 8 feesadi ka sambhaavit growth rate haasil karne ko taiyaar khada hai aur desh ne videshi nivesh ki koi seema tay naheen ki hai. ' unhonne kaha, 'Desh mein ham 50 arab dollar ka nivesh ek saal ya adhik avadhi mein khapa sakte hain. Videshi mudra pravaah ke lihaaj se pehli vareeyata FDI ki hai, uske baad FII aur videshi vaanijyik udhaari hai. ' unhonne kaha ki FDI kisi bhi aur desh ki tarah Bhaarat ke liye bhi aham hai. Chidambaram ne isi hafte Canada aur America mein niveshakon se mulaakaat ki. Unhonne kaha ki bhaarateeya narami fauri hai. Unhonne bataaya, '2004 se 2012 ke dauraan chhah saal ke liye hamaari growth rate 8 feesadi rahi, jabki chaar saal yah dar 9 feesadi thi. Ham isi saal 6 feesadi ki dar par lauteinge. 2012-13 mein dikhi narami sthaayi naheen hai aur anumaan behatari ka sanket dete hain. ' Chidambaram ne kaha ki chaaloo khaate ke ghaate ko kam karne ke liye koi taaraget tay naheen kiya gaya hai aur ummeed jataai ki 2012-13 mein yah GDP ka lagbhag 5 feesadi hoga. Unhonne kaha, 'Chaaloo khaate ke ghaate ke bade aakaar ko main jaanta hoon aur ise 2.5 feesadi par laane ke liye hamein kuchh samay chaahiye. Yah saal-do saal mein ho sakta hai. Iska koi aankada naheen hai. Saavadhaani isko 2.5 feesadi ya iske aas-paas rakhane mein hai. ' unhonne kaha ki 2012-13 ki teesari timaahi mein yah ghaata kaafi ooncha raha tha lekin chauthi timaahi is lihaaj se behtar rahane ki ummeed hai. Unhonne kaha ki yah ghaata aayaat ki laagat aur niryaat mein badhotri samet kai kaarakon par nirbhar karta hai. Bhaarat aur vaishvik star par sone ki keematon ke savaal par vittamantri ne kaha ki inmein giraavat hai lekin aashanka bhi hai ki log aur adhik sona inport kar sakte hain.

Do Saal Mein 8 Feesadi Ke Growth Rate Par Laut Aaega Bhaarat Chidambaram https://www.angrejinews.com/pic/5987