Din-dahaade Yuvak Ko Goli Maar 11 Lakh 60 Hajaar Loote

Breaking »

Din-dahaade Yuvak Ko Goli Maar 11 Lakh 60 Hajaar Loote

Agra. . Thaana etmaadapur kshetr sthit state bank ki shaakha se somvaar ko cash lekar nikle ek shakhs ko baaik savaar teen badmaashon ne goli maar di aur uske haath se rupae se bhara bag chheen lekar faraar ho gaye. Din-dahaade hui loot ki is vaaradaat ke baad police vibhaag mein hadkanp mach gaya mauke par pahunchi police ne ghaayal ko upachaar ke liye aspataal mein bharti karaane ke saath hi badmaashon ki dhar-pakad ke liye checking abhiyaan chalaaya lekin safalta haath naheen lag saki. Mili jaankaari ke mutaabik etmaadapur nivaasi Mahendra Singh putr ganga Singh ek petrol panp par muneem ka kaam karta hai. Bataaya gaya hai ki somvaar subah kareeb paune gyaarah baje Mahendra Singh etmaadapur sthit state bank ki shaakha se rupae nikaal kar baahar nikla. Uske haath mein ek bag tha jismein 11 lakh 60 hajaar rupae ki nakadi rakhi hui thi. Jaise hi Mahendra bank se baahar nikal kar kuchh door pahuncha vahaan pehle se hi ghaat lagaae baithe baaik savaar teen badmaashon ne us par tamancha taan diya aur bag chheenane lage lekin Mahendra ne badmaashon ka virodh kiya to badmaashon ne use goli maar di. Jisse vah lahooluhaan hokar vaheen jameen par gir pada aur badmaash uske haath se rupae se bhara bag chheen kar faraar ho gaye. Ghatna ke sambandh mein jaankaari dete hue thaanaadhyaksh etmaadapur ne bataaya ki goli Mahendra ke seene ko paar karti hui nikal gayi. Aspataal mein usaka upachaar chal raha hai, jahaan chikitsakon ne use khatre ki sthiti se baahar bataaya hai. Esao ne bataaya ki tahareer naheen milne ke kaaran ghatna ki report abhi darj naheen ho saki hai lekin badmaashon ki talaash mein police jut gayi hai.

Din-dahaade Yuvak Ko Goli Maar 11 Lakh 60 Hajaar Loote https://www.angrejinews.com/pic/7866