Din Dahaade Makaan Se Laakhon Rupae Ka Saamaan Chori

Breaking »

Din Dahaade Makaan Se Laakhon Rupae Ka Saamaan Chori

surendr Kumar jeend. . Gaanv gatauli mein din dahaade hi choron ne ek makaan se laakhon rupae ka saamaan chori kar liya. Chor motorcycle par savaar hokar aae the aur dopahar ko ghar par koi bhi maujood na hone ka faayda uthaakar chori ki ghatna ko anjaam diya. Ghatna ki soochana paakar police mauke par pahunch gayi aur sthiti ka jaayaja liya. Police ne agyaat motorcycle savaar yuvakon ke khilaaf chori ka maamala darj kar chhaanabeen shuroo॒ kar di. Gaanv gatauli nivaasi sheela ne police ko di shikaayat mein bataaya ki ek din pehle vah kisi kaarya ke liye baahar gayi theen. Isi dauraan dopahar ke samay uske makaan ka taala todkar sona aur chaandi ke jevaraat, 2500 rupae ki nagadi tatha anya keemati saamaan chori kar liya. Jab vah ghar lauteen to makaan ka saamaan bikhra pada tha aur keemat saamaan gaayab tha. Baad mein aaspaas ke logon ne bataaya ki do yuvak motorcycle par savaar hokar aae the aur ghar ke andar ghus gaye the. Jab vah ghar se chori karke nikalne lage to graameenon ne peechha kiya, lekin vah faraar hone mein kaamayaab ho gaye. Graameenon ne is dauraan faraar ho rahe yuvakon ke motorcycle ka number likh liya. Police ne motorcycle ke number ki sahaayata se choron ki talaash kar rahi hai. Police ne mahila ki shikaayat par chori ka maamala darj kar liya.

Din Dahaade Makaan Se Laakhon Rupae Ka Saamaan Chori https://www.angrejinews.com/pic/7448