Digvijya Singh Ne Modi Ko Kaha 'Feinkoo

Breaking »

Digvijya Singh Ne Modi Ko Kaha 'Feinkoo

Shaajaapur. . Congress mahaasachiv digvijya Singh ne Gujarat ke mukhyamantri Narendra Modi ki aalochna karte hue kaha ki vah Gujarat ke vikaas ki jhoothi baat karte hain. Singh ne shanivaar raat kaha, 'Gujarat mein vikaas ko lekar Modi 'Feink' rahe hain. Vahaan is samay bhi purushon evam mahilaaon mein khaasa antar hai. Aaj bhi vahaan daliton ko nadi se paani bharakar laana padta hai. ' unhonne kaha ki iske baavajood daliton ko nadi se paani bharne se kai baar roka ja chuka hai. Jis samay Modi Gujarat ke mukhyamantri bane the, tab raajya par 46 hajaar karod rupaye ka karj tha, lekin aaj Gujarat par 1.72 hajaar karod rupaye ka karj hai. Congress mahaasachiv evam madhya pradesh ke poorv mukhyamantri Singh ne madhya pradesh mein ujjain ke khanij nireekshak sanjaya bhaargav evam Bhopal ki bairasiya tahaseel mein padasth lok nirmaan vibhaag ke upayantri raameshvar chaturvedi ki maut ki CBI jaanch ki maang ki hai. Unhonne kaha ki iske liye vah mukhyamantri shivraaj Singh chauhaan ko patra likhne vaale hain, kyonki mukhyamantri par aarop lag rahe hain ki unke sambandh dileep bildakaun se hain. Isliye raajya sarkaar ko kendra se iski CBI jaanch ki sifaarish karna chaahiye. Shivraaj sarkaar par nishaana saadhate hue Singh ne kaha ki is sarkaar ne Congress ki poorvavarti sarkaar dvaara gareebon ke hit ke liye chalaae gaye vibhinn kaaryakramon ko badal diya hai. Vah pradesh ke vikaas par mukhyamantri chauhaan se kisi bhi manch par bahas ko taiyaar hain. Unhonne kaha ki bijli khareed mein raajya sarkaar bhrashtaachaar kar rahi hai. Baahar se adhik daam par bijli khareed kar pradesh ki bholi-bhaali janta evam kisaanon ko bhaari-bharakam bill day rahi hai.

Digvijya Singh Ne Modi Ko Kaha 'Feinkoo https://www.angrejinews.com/pic/5521