Digvijya Ka Dhamaaka, Rahul Ko PM Banane Se Parahej Naheen

India » Tuesday, March 26, 2013

Nidhi sharmaanai Delhi. . Congress ke badbole mahaasachiv digvijya Singh ne ek baar fir dhamaaka kiya hai. Unhonne kaha ki yah dhaarana galat hai ki Rahul Gandhi sarkaar ke mukhiya (pradhaanamantri) naheen banana chaahate hain. Digvijya Singh ke is bayaan ke baad agale aam chunaav mein Narendra Modi aur Rahul Gandhi ke beech mukaabale ki atkalein fir se jor pakadne lagi hain. Hamaare sahayogi akhbaar, ikanaumik times ko diye interview mein Congress mahaasachiv ne kaha, 'Rahul Gandhi ne kaha tha ki unki praathamikta logon ka kalyaan hai. Media ne maan liya ki vah kah rahe hain ki pradhaanamantri banana unki praathamikta naheen hai. ' Rahul Gandhi ko agale chunaav mein party ki or se pradhaanamantri pad ka ummeedavaar praujekt kiye jaane ke sanket dete hue digvijya Singh ne kaha, 'Haal mein upaadhyaksh banaae gaye Rahul ne mujhse kaha tha ki unke bayaan ka galat matlab nikaala gaya hai. ' digvijya ne yah bhi kaha ki party mein yah bhaavana majaboot ho rahi hai ki Gandhi-Nehru parivaar ke manoneet pradhaanamantri se do adhikaar kendra ban jaate hain aur isse party ko nuksaan ho raha hai. Congress mahaasachiv ke mutaabik, party netaaon ka maanana hai ki jo party ko niyantrit kare, vahi sarkaar ka bhi mukhiya ho. Agala Loksabha chunaav 'Modi banaam Rahul' par hone ke savaal ko lekar unhonne kaha, 'Ham sangh ki vichaaradhaara se lad rahe hain. Isse koi antar naheen padta ki us vichaaradhaara ka pratinidhitv kaun karta hai. Fir chaahe Lal Krishna Advani hon, Rajnath Singh hon ya Modi. ' Loksabha chunaav niyat samay se pehle hone ki sambhaavana ko khaarij karte hue digvijya Singh ne kaha, 'Koi bhi sarkaar apne kaaryakaal ke antim 6-8 maheene mein asthir hoti hai. Naukarashaahi sarkaar ke faisalon par pratikriya karne se parahej karne lagti hai, kyonki nai sarkaar aksar in faisalon ko palat deti hai.