Diesel Price Di-regyuleshan Ki Raah Par Badh Sakte Hain Modi

Business »

Diesel Price Di-regyuleshan Ki Raah Par Badh Sakte Hain Modi

Nai Delhi Loksabha chunaav mein BJP ko bhaari bahumat se mili jeet ne Narendra Modi ko diesel ki keematein niyantran mukt karne aur naicharal gas ke daam mein badhotri karne ki gunjaaish de di hai. Yeh sabsideej ghataane aur bajat ghaata kam karne se judi free praaising ka kleeyar rod maip hoga. ICICI sikyauriteej ne ek research not mein kaha hai ki 30 saalon mein sabse badi jeet ke saath Modi ke netrutv vaala NDA rifaurms ki raftaar banaae rakh sakta hai. UPA sarkaar ne diesel praaisej se control hataane ke liye chhote kadam uthaae the. UPA sarkaar ne January 2013 ke baad diesel ke price mein har maheene 40-50 paise prati liter ki badhotri karne ko manjoori di thi. Not ke mutaabik, 'Kendra mein spasht bahumat sarkaar ko jyaada tej (saaptaahik ya pakhavaade mein) badhotri ke saath di-reguleshan proses tej karne ke liye protsaahit karegi. ' Congress ke netrutv waali UPA sarkaar ne June 2010 mein petrol praaisej ko niyantran mukt kar diya tha aur ab kaust ke hisaab se uske praaisej nirdhaarit hote hain. Jabki diesel, cooking fyool LPG aur kerosene ko sarkaari niyantran mein rakha gaya. January 2013 se 15 baar ki badhotri ke baad Delhi mein diesel ke retail praaisej vaastavik kaust se 4.41 rupaye prati liter sasta bik raha hai. Laagat se kam par bikne vaale diesel, domestik cooking gas aur kerosene ke kaaran hone vaale nuksaan ki bharpaai subsidy ke jariye ki jaati hai. BJP ne apne ilekshan menifesto mein ikaunami ko rivaaiv karne aur fauran investameint ki raftaar badhaane ka vaayada kiya hai. ICICI sikyauriteej ka kehna hai, 'Diesel di-reguleshan tay hone ke baad NDA sarkaar LPG cylinder ki sankhya dobaara ghataakar 9 (maujooda samay mein saal mein 12 silindars diye jaate hain) karne par vichaar kar sakti hai. ' Oil end gas eksaploreshan aur praudakshan mein inavestameint badhaane ke liye nechural gas praaisej ke daam kareeb doguna karne se jude UPA sarkaar ke vivaadaaspad faisale ke baare mein ICICI sikyauriteej ka kehna hai ki NDA gas price mein badhotri (faurmoole mein badlaav kiya ja sakta hai) kar sakti hai aur yeh free praaising ka rodamaip bhi taiyaar kar sakti hai.

Diesel Price Di-regyuleshan Ki Raah Par Badh Sakte Hain Modi https://www.angrejinews.com/pic/51233