Diesel Mein 4.50 Rupaye, Rasoi Gas Mein 100 Rupaye Vruddhi Ka Prastaav

Business » Friday, January 11, 2013

Nai Delhi: Petrolium mantraalaya ne diesel ke daam teen se lekar 4.50 rupaye prati liter tatha rasoi gas ke daam mein 100 rupaye prati cylinder vruddhi ka prastaav kiya hai. Mantraalaya ne iske saath hi subsidy par milne vaale cylinder ki sankhya maujooda chhah se badhaakar nau cylinder saalaana karne ka bhi sujhaav rakha hai. Mantraalaya ne is aashay ka ek not keindreeya mantrimandal ke vichaaradheen bheja hai. Ismein petrol, diesel tatha rasoi gas aadi ko laagat se kam keemat par beche jaane ke kaaran hone vaale 1,60,000 karod rupaye ke ghaate ki bharpaai ke liye vikalpon ka prastaav kiya gaya hai. Sootron ne kaha ki choonki vitt mantraalaya ne subsidy vaale rasoi gas cylinderon ki sankhya badhaane se padne vaale subsidy bojh ko vahan karne se inkaar kar diya hai, mantraalaya ne iski bharpaai keematein badhaakar karne ka prastaav kiya hai. Mantraalaya ne (14.2 kilo) cylinder ke daam 100 rupaye prati cylinder do kisht mein badhaane ka prastaav kiya hai. Saste cylinder ki bikri par companiyon ko is samay 490.50 rupaye ka nuksaan ho raha hai. Mantraalaya ka prastaav hai ki jab tak cylinder par hone vaale poore nuksaan ki bharpaai naheen ho jaati hai, tab tak April, 2013 se har teen maheene mein cylinder ke daam 50 rupaye badhaae jaane chaahiye. Diesel ke maamale mein mantraalaya ne ek baar mein teen se 4.50 rupaye prati liter ki vruddhi ya fir ek ya dedh rupaye prati liter ki vruddhi maasik kist mein karne ki sifaarish ki hai. Is samay diesel ki briki par companiyon ko 10.16 rupaye prati liter ka nuksaan (under-recovery) ho raha hai. Mantraalaya chaahata hai ki jab tak companiyon ki under-recovery yaani kamavasooli poori naheen ho jaati, tab tak April se har maheene ek rupaye prati liter daam badhaae jaane chaahiye. Sootron ne kaha ki mantraalaya ne March, 2015 tak kerosene ke daam 35 paise prati liter prati maheene ya ek rupaye prati liter prati timaahi badhaane ka prastaav kiya hai. Unhonne kaha ki keindreeya mantrimandal ko mantraalaya dvaara bheja gaya prastaav vijay Kelkar samiti ki sifaarishon par aadhaarit hai.