Diesel Ke Daamon Mein 50 Paise Prati Liter Ki Badhotri

Breaking »

Diesel Ke Daamon Mein 50 Paise Prati Liter Ki Badhotri

Nai Delhi: diesel ke daamon mein aaj 50 paise prati liter ki badhotri ki gayi hai. Teen saptaah ke dauraan diesel ke daamon mein yeh doosari baar badhotri hai. Keematon mein hue is ijaafe mein raajya shulk shaamil naheen hai. Isse pehle 13 May ko diesel ke daamon mein badhotri ki gayi thi. nae tel mantri dharmeindr pradhaan ne UPA sarkaar dvaara shuroo ki gayi sudhaar ko jaari rakhate hue raajya ke svaamitv waali tel companiyon ke saath kai daur ki baithakein ki jiske baad daam mein yeh maasik vruddhi ki gayi hai. Daam mein badhotri se BJP sarkaar ne spasht sanket de diya hai ki vah poorvavarti Congress sarkaar ke sudhaaron ko jaari rakhegi. January 2013 mein UPA sarkaar ne har maheene diesel ke daamon mein maamooli 50 paise ki badhotri karne ka nirnaya liya tha. Yeh nirnaya us samay tak ke liye liya gaya tha jab tak ki desh mein diesel par subsidy samaapt na ho jaae. tel companiyon ne ghoshana ki hai ki yeh badhotri aaj aadhi raat se laagoo ho jaaegi. Yeh badhotri raajya bikri kar ya vait ko chhod kar hai jisse diesel ka vaastavik moolya adhik ho jaaega aur ismein shahar-dar-shahar antar rahega. shulk ke saath 57 paison ki badhotri ke baad Delhi mein diesel ka daam 57.28 prati liter ho jaaega, jabki Mumbai mein iski keemat 65.84 prati liter ho jaaegi.

Diesel Ke Daamon Mein 50 Paise Prati Liter Ki Badhotri https://www.angrejinews.com/pic/52364