Dhoni Ne Vishv Cup Mein Dikhaaya, Usamein Abhi Kaafi Cricket Bacha Hai Idulji

Cricket »

Dhoni Ne Vishv Cup Mein Dikhaaya, Usamein Abhi Kaafi Cricket Bacha Hai  Idulji

Nayi Delhi, 11 July (bhaasha) BCCI ke kaaryavaahak adhyaksh seeke khanna aur seeoe sadasya daayana idulji ne guroovaar ko Bhaarat ke vishv cup mein pradarshan ki prashansa ki jo semifinal mein New Zealand se haarakar baahar ho gaya. league charan mein sheersh par rahane waali bhaarateeya team semifinal mein sarvashreshth naheen kar saki aur New Zealand se 18 run se haar gayi. idulji ne PTI se kaha, ''Team achha kheli. Yeh durbhaagyapoorn hai ki match doosare din tak khinch gaya. Shuroo mein ganvaaye teen wicketon ne team ko poori tarah se baikafut par la diya. Iske baad jadeja aur Dhoni ne achhi vaapasi karaayi. Yeh bahut kareeb ka maamala ban gaya tha. Jadeja aur Dhoni ne jaisa pradarshan kiya, vah kaabiletaareef raha. '' Bhaarat ki haar se Dhoni ke sannyaas ko lekar chal rahi atkalein bhi badh gayi lekin idulji ne kaha ki vishv cup vijeta kaptaan ne tournament mein dikha diya ki usamein ab bhi kaafi cricket bacha hai. idulji ne kaha, ''Vah is poore tournament mein jis tarah se khela hai, main usaki prashansa karoongi. Yeh (sannyaas lene ka) usaka vyaktigat faisala hoga. Keval vahi yeh nirnaya le sakta hai aur usaka shareer hi use bata sakta hai. Mujhe ab bhi lagta hai ki usamein abhi kaafi cricket bacha hai. Team mein yuvaaon ko ab bhi uske maargadarshan ki jaroorat hai. '' khanna ne bhi bhaarateeya team ke prayaason ki prashansa ki. unhonne kaha, ''Yeh kathin match tha aur mujhe lagta hai ki hamaare khilaadiyon ne apna sarvashreshth pradarshan kiya. Koi bhi naheen chaahata ki ek bhi match ganvaaye. Har khilaadi ne sachmuch achhi koshish ki lekin yeh hamaara din naheen tha. '' unhonne kaha, ''Bhaarat ne league charan mein behatareen cricket khela. Mujhe poora bharosa hai ki team kadi mehnat karegi aur bhavishya mein aur safalataayein haasil ki. New Zealand ki team ko badhaai. Main unhein shubhakaamanaayein deta hoon.

Dhoni Ne Vishv Cup Mein Dikhaaya, Usamein Abhi Kaafi Cricket Bacha Hai Idulji https://www.angrejinews.com/pic/286119