Dhoni Ki Dhuaandhaar Batting Ka Raajafaash

Cricket »

Dhoni Ki Dhuaandhaar Batting Ka Raajafaash

nai Delhi. . Cricket ke maidaan par bhaarateeya kaptaan Mahendra Singh Dhoni ke balle ka dhamaaka bhala kise pasand naheen hai, lekin kya aapko is dhamaake ke peechhe ka raaj pata hai? Yoon to Dhoni ka dimaag kai dishaaon mein chalta rahata hai, lekin jab vah ballebaaji karte hain to gaane gunagunaakar apna dhyaan keindrit karte hain. Jaise hi bolar doosare chhor se daudna shuroo karta hai, Dhoni gaana gunagunaane lagte hain aur is tarah vah baul par apna dhyaan lagaate hain. Dhoni samet top Indian cricketeron, jaise Rahul Dravid aur VVS Lakshman ke baare mein dilchasp pahaluon par haarpar kolins dvaara prakaashit 'Think like A champion' mein prakaash daala gaya hai. Vest Indies ke poorv team manager roodi vebastar ne yah kitaab likhi hai. Vah 2006-07 mein bataur manovaigyaanik bhaarateeya team ke saath kaam kar chuke hain. Lekhak ke anusaar Dhoni intaranaishanal cricket se sannyaas lene ke baad apne shahar Ranchi mein sports academy sthaapit karna chaahate hain aur bhaarateeya sena mein bhi kuchh yogadaan karna chaahate hain. Kitaab mein Dhoni ke havaale se likha gaya hai, 'Jab main ballebaaji kar raha hota hoon to main geind par dhyaan lagaata hoon. Kabhi kabhaar mera dimaag kinheen doosari jagahon par chala jaata hai, jahaan use naheen hona chaahiye. Lekin jaise hi main ise dekhta hoon, main fir se dhyaan geind ki or le aata hoon. Gaane gunagunaane se dhyaan keindrit karne mein mujhe madad milti hai. '

Dhoni Ki Dhuaandhaar Batting Ka Raajafaash https://www.angrejinews.com/pic/7732