Dheemi Ovaragati Ke Kaaran Morgan Naatingham One-day Se Nilambit

Cricket »

Dheemi Ovaragati Ke Kaaran Morgan Naatingham One-day Se Nilambit

Dubai, 15 May (bhaasha) England ke kaptaan eon morgan ko Pakistan ke khilaaf teesare one-day mein dheemi ovaragati ke kaaran ek match se nilambit kar diya gaya jabki unhein match fees ka 40 pratishat jurmaana bhi dena hoga . ICC match refereeyon ki panel ke richi Richardson ne morgan ko yeh saja sunaai . England ki team nirdhaarit samay ke bheetar do over peechhe thi . England ke baaki khilaadiyon par match fees ka 20 pratishat jurmaana lagaaya gaya hai . ICC aachaar sanhita ki dhaara 2 . 22 . 1 ke tahat dheemi ovaragati se jude aparaadhon mein khilaadiyon ko har over ke liye match fees ka das pratishat aur kaptaan ko duguni raashi deni hoti hai . morgan is saal mein doosari baar doshi paaye gaye hain jisse un par ek match ka nilanban bhi lagaaya gaya hai . England ke ballebaaj jaani beyarasta ko bhi ICC aachaar sanhita ke leval ek ke tahat fatkaar lagaai gayi hai . Unhein ek dimerit ank bhi diya gaya . Paari ke 29vein over mein out hone par unhonne apna balla stamp par de maara tha.

Dheemi Ovaragati Ke Kaaran Morgan Naatingham One-day Se Nilambit https://www.angrejinews.com/pic/274738