Dhamaakon Ke Virodh Mein Bhaajapa Ne Kiya Hyderabad Mein Band Ka Aahvaan

Breaking »

Dhamaakon Ke Virodh Mein Bhaajapa Ne Kiya Hyderabad Mein Band Ka Aahvaan

Hyderabad: Bhaarateeya janta party (bhaajapa) ne Hyderabad mein guruvaar der shaam hue do bam visfoton ke virodh mein shukravaar ko Andhra pradesh band ka aahvaan kiya hai. Visfoton mein 15 logon ki maut ho gayi, jabki 119 se adhik ghaayal ho gaye. Bhaajapa ke pradesh adhyaksh ji. Kishn Reddy ne raajya ke sabhi logon se appeal ki hai ki ve visfoton ke virodh mein apni ichha se band mein shaamil hon aur peedit parivaaron ke prati sahaanubhooti jataaen. Reddy ne samvaadadaataaon se baatcheet mein kaha ki keindreeya khufiya agencyon se chetaavani milne ke baad bhi raajya sarkaar visfoton ko rokane ke liye aavashyak kadam uthaane mein vifal rahi. Unhonne sarkaar se aatankvaadiyon ke khilaaf sakhti se nipatne ki maang ki. Andhra pradesh mein shukravaar ko bhaajapa ke band aur jume ki namaaj ko dekhte hue police ne Hyderabad tatha anya shaharon mein suraksha-vyavastha kadi kar di hai.

Dhamaakon Ke Virodh Mein Bhaajapa Ne Kiya Hyderabad Mein Band Ka Aahvaan https://www.angrejinews.com/pic/2533