Dhamaakon Ke Baavajood Hyderabad Test Nirdhaarit Kaaryakram Ke Anusaar Hoga

Cricket »

Dhamaakon Ke Baavajood Hyderabad Test Nirdhaarit Kaaryakram Ke Anusaar Hoga

Chennai: Hyderabad mein hue bam visfoton se cricket Australia chintit jaroor hai, lekin usane shukravaar ko kaha ki Bhaarat aur Australia ke beech vahaan doosra test nirdhaarit kaaryakram ke anusaar hoga. Chennai mein pehle test ke liye aae cricket Australia ke CEO James sadaralaind ne kaha, ham samay par aakalan kareinge, lekin abhi is par shak karne ka koi kaaran naheen hai ki Hyderabad test nirdhaarit kaaryakram ke anuroop hoga. Hyderabad mein doosra test 2 March se hona hai. Guruvaar ko vahaan hue do bam visfoton mein ab tak 15 log maare ja chuke hain. Sadaralaind ne kaha, yah khabar sunakar ham kaafi chintit hain. Ham agale kuchh din mein jaroori aakalan kareinge, lekin yahaan focus filhaal cricket par hai. Unhonne kaha ki suraksha ko lekar aashanka jataana filhaal jaldabaaji hogi, kyonki Australiaee cricketeron ko muhaiya karaai gayi suraksha se vah santusht hain. Unhonne kaha, ham sambandhit adhikaariyon se salaah le rahe hain. Hyderabad mein test radd ki sambhaavana par sochana filhaal jaldabaaji hogi. Filhaal to mujhe ummeed hai ki doosra test Hyderabad mein nirdhaarit kaaryakram ke anuroop hoga. Sadaralaind ne kaha, main suraksha intajaamon se santusht hoon. Sab kuchh yojana ke anuroop chal raha hai. Ham daure se pehle apni team bhejkar aakalan karte hain aur sab kuchh theek hai.

Dhamaakon Ke Baavajood Hyderabad Test Nirdhaarit Kaaryakram Ke Anusaar Hoga https://www.angrejinews.com/pic/2549