Dhaarmik Aadhaar Par Vote Maangane Vaale Netaaon Par Sakht Supreme Court, Aayog Ki Seemit Shaktiyon Par Jataai Naaraajagi

Breaking »

Dhaarmik Aadhaar Par Vote Maangane Vaale Netaaon Par Sakht Supreme Court, Aayog Ki Seemit Shaktiyon Par Jataai Naaraajagi

Nai Delhi Supreme court ne chunaav ke dauraan apni railiyon mein dhaarmik aadhaar par vote maangane vaale netaaon par kaarravaai na karne ke lekar chunaav aayog ki seemit shaktiyon ko lekar naaraajagi jataai hai. Cheef Justice ke netrutv waali bench ne chunaav aayog ke pratinidhiyon se mangalvaar ko court mein pesh hone ko kaha hai. Supreme court ne ek yaachika ki sunavaai ke dauraan yeh baat kahi. Is yaachika mein un dalon ke khilaaf kaarravaai ki maang ki gayi thi, jinke neta dharm aur jaati ke aadhaar par chunaav mein vote maangate hain. Sunavaai ke dauraan Supreme court ne chunaav aayog se poochha, 'Maayaavati ne apne dhaarmik aadhaar par voting karne vaale bayaan ke notice ka javaab naheen diya hai. Aapne kya kiya? ' is par aayog ne Supreme court ko kaha, 'Hamaari shaktiyaan seemit hain. ' Supreme court is maamale mein mangalvaar ko sunavaai karega. Court ne aayog ke adhikaariyon se bhi court mein maujood rahane ko kaha hai. The court was hearing a PIL seeking strict action against political parties if their spokespersons and representati… https: //t. Co/5hhdgMiNpX— ANI (@ANI) 1555308796000 Yogi aur maaya ne diya tha bayaan Bata dein ki devaband mein SP-BSP-aaraeladi gathabandhan ki ek rally ke dauraan maayaavati ne kaha tha, 'Muslim matadaataaon ko bhaavanaaon mein bahakar apne vote ko bantane naheen dena hai. ' is bayaan ko lekar kai paartiyon ne naaraajagi jaahir ki thi. Vaheen is bayaan ke javaab mein UP ke CM yogi aadityanaath ne bhi 'Bajarang bali aur Ali' ka jikr kar maayaavati par bhi nishaana saadha tha. Yogi ke is bayaan ki bhi kaafi aalochna hui thi. Aayog ne maanga tha javaab Iske baad beete guruvaar ko chunaav aayog ne donon netaaon ko notice bhejkar javaab maanga hai. Aayog ne maayaavati ko chunaav code ke ullanghan ka doshi maanane ke saath hi sekshan 123 (3) ke tahat janapratinidhi kaanoon 1951 ke ullanghan ka bhi doshi maana. Is kaanoon ke tahahat ummeedavaar dhaarmik aadhaar par matadaan ki maang naheen kar sakte na matadaataaon ko dharm ke aadhaar par matadaan ke liye protsaahit kar sakte hain.

Dhaarmik Aadhaar Par Vote Maangane Vaale Netaaon Par Sakht Supreme Court, Aayog Ki Seemit Shaktiyon Par Jataai Naaraajagi https://www.angrejinews.com/pic/268030