Desh Mein Gujarat Dange Doharaana To Naheen Chaahate Hain Modi Maneesh Tivaari

Breaking »

Desh Mein Gujarat Dange Doharaana To Naheen Chaahate Hain Modi Maneesh Tivaari

Nai Delhi. . Congress ne Gujarat ke mukhyamantri Narendra Modi par ab tak ka sabse teekha hamla bola hai. Soochana aur prasaaran mantri maneesh tivaari ne shukravaar ko kaha ki Modi ki mansha kaheen desh ke baaki hisson mein 2002 ke dange doharaane ki to naheen hai. Gaurtalab hai ki tivaari ka yah bayaan Modi ke guruvaar ko diye us bayaan ke baad aaya hai jismein unhonne kaha ki tha ki unhonne Gujarat ka karj ada kar diya hai, ab desh ka karj ada karna bacha hai. Modi ne yah kehkar raashtreeya raajaneeti mein aane ke sanket diye hain. Blog: Rahul kabhi paas naheen hoga shukravaar ko maneesh tivaari ne Modi ki is mahatvakaanksha par seedha hamla bola. Maneesh tivaari ne kaha,'Gujarat ke mukhyamantri ke bayaanon par kabhi-kabhi bahut chinta hoti hai. . Aur chinta is baat ki ki shaayad Bhaarat ke baaki hisson mein unki vahi karne ki mansha na ho jo unhonne Gujarat mein 2002 mein kiya. ' Congress ke saansad sandeep Dixit ne kaha ki Modi ahankaar se choor hain. Unke bayaan se unki maanasikta ki jhalak rahi hai. Dixit ne kaha ki maatrubhoomi ka karj koi bhi naheen chuka sakta hai. Agar Modi yah kah rahe hain ki unhonne Gujarat ka karj ada kar diya hai, to isse unki soch ke baare mein pata chalta hai. Congress pravakta Rashid alvi ne Modi ke bayaan par chutaki lete hue kaha hai ki karj chukaane ke liye satta ke alaava aur bhi tareeke hain. Agar kisi ka yah sochana hai ki maatrubhoomi ka karj keval satta mein aakar hi chukaaya ja sakta haiaur agar vah Delhi aana chaahate hain, to main yahi kahoonga ki hajaar khvaahishein aisi ki har khvaahish par dam nikle. Udhar, BJP pravakta meenaakshi lekhi ne maneesh tivaari ke is bayaan ko 'Bakavaas'Karaar diya. Unhonne palatavaar karte hue kaha ki jo log is tarah ki bakavaas karte hain vah apna itihaas dekh lein. 1984 se lekar hue sabhi dangon ke liye sirf aur sirf Congress jimmedaar hai.

Desh Mein Gujarat Dange Doharaana To Naheen Chaahate Hain Modi Maneesh Tivaari https://www.angrejinews.com/pic/4558