Desh Mein Badha Sookhe Ka Khatra, Mahangaai Maar Daalegi

Business »

Desh Mein Badha Sookhe Ka Khatra, Mahangaai Maar Daalegi

Nai Delhi bhale hi Modi sarkaar achhe din ka aashvaasan de rahi ho, lekin kamjor maunasoon se desh mein sookha padne ka khatra paida ho gaya hai. Iska seedha asar khaane-peene ki cheejon ki keematon par padega. Dhyaan rahe ki mahangaai ki oonchi dar ke kaaran aam janta ke saath-saath sarkaar bhi pehle se hi pareshaan hai. Kamjor maunasoon ne aam logon, kisaanon se lekar sarkaar tak sabki neend uda rakhi hai. Pichhle 5 saalon mein pehli baar desh mein sookhe ka khatra paida ho gaya hai. Mausam vibhaag ke mutaabik, deshbhar mein ab tak sirf 43 feesadi kam baarish hui hai. Mausam vibhaag ke mutaabik, kai raajyon mein sookhe ki sthiti paida ho chuki hai. Mitti mein nami kam ho chuki hai. Mausam vibhaag ke mutaabik, pashchimi Punjab, Haryana, dakshin-pashchim Jammu-kashameer, UP, Rajasthan, Gujarat, telangaana, central Maharashtra, kostal Andhra,poorvi madhya pradesh aur Chhattisgarh ke jyaadaatar hisse mein sookhe ki sthiti dikh rahi hai. Sookhe ke kaaran sirf maujooda fasal hi naheen, balki rabi ki agali fasal bhi prabhaavit ho sakti hai. Sookhe ki aashanka ko dekhte hue sarkaar ne kai kadam uthaae hain. Sookhe ke khatre se chintit keindreeya graameen vikaas raajya mantri upeindr Kushwaha ka kehna hai ki sarkaar sookhe se nipatne ke liye taiyaari kar rahi hai. Haalaanki, Gujarat ke valasaad se achhi khabar I hai. Valasaad mein shukravaar se aaj tak achhi baarish hui hai. Achhi baarish hone ki vajah se kisaanon ke chehare khil gaye hain.

Desh Mein Badha Sookhe Ka Khatra, Mahangaai Maar Daalegi https://www.angrejinews.com/pic/56915