Desh Mein Baaghon Ki Taadaad Badhne Ke Sanket

Breaking »

Desh Mein Baaghon Ki Taadaad Badhne Ke Sanket

Nai Delhi. . Desh mein baagh badh rahe hain. Sarkaar ne mangalvaar ko bataaya ki desh mein baaghon ki sankhya mein badhotri ke sanket mile hain. Paryaavaran evam van raajya mantri jayanti nataraajan ne raajya sabha ko bataaya ki sanshodhit paddhati ka upayog kar har chaar saal ke antaraal mein ek baar kiye gaye aakalan mein desh mein baaghon ki sankhya badhne ke sanket mile hain. Unhonne bataaya ki haaliya akhil bhaarateeya anumaan 2010 ke anusaar baaghon ki sankhya badhkar 1706 tak ho sakti hai, jabki 2006 ke anumaan ke anusaar yah sankhya kareeb 1411 thi. Unhonne bataaya ki 2013 mein 34 baaghon ki maut hui. Inmein se paanch baagh shikaar ke chalte maare gaye aur teen baaghon ki maut praakrutik evam anya kaaranon se hui. 26 baaghon ki maut ke kaaranon ki jaanch ki ja rahi hai. Jayanti ne Virendra prasaad vaishya ke savaal ke likhit uttar mein bataaya ki asam mein apne mool sthaanon ko chhodkar anya jagahon par aaye baaghon ke liye 'Maanak parichaalan prakriya' ko apnaaya ja raha hai. Paryaavaran evam van raajya mantri ne vijay javaaharalaal darda ke prashn ke likhit uttar mein bataaya ki 2012-13 ke dauraan vibhinn raajyon mein rel durghatanaaon ke kaaran 16 haathiyon ki maut hui jabki varsh 2011-12 mein yah aankada 13 tha. Jayanti ne bataaya ki asam ke kaajeeranga raashtreeya udyaan aur uske baahar pichhle teen varsh aur chaaloo varsh ke dauraan 18 gainde shikaar mein maare gaye. Unhonne bataaya ki kaarbet baagh reserve ke dakshini bhaag mein 24 ghante electronic nigraani ki ja rahi hai aur iske liye lambi range vaale intelijeint tharmal tatha infraared kaimaron ka prayog kiya ja raha hai.

Desh Mein Baaghon Ki Taadaad Badhne Ke Sanket https://www.angrejinews.com/pic/6499