'Desh Mein Ab Tak Ka Sabse Bada Bul Market Shuroo Hone Ja Raha Hai

Business »

'Desh Mein Ab Tak Ka Sabse Bada Bul Market Shuroo Hone Ja Raha Hai

Rakesh jhunajhunavaala paartanar, reyar intarapraaijej 28 August 2013 ko Nifty 5285 par tha. Us din se bhaarateeya share baajaar ki takadeer badalani shuroo hui aur baajaar ki kya kismat badli hai! Market ham sabse kaheen jyaada samajhdaar hai. Usane currency mein giraavat, sevings mein kami, belagaam mahangaai, bankon par NPA ke badhte bojh, sangharsh karte kaurporets, ruke hue investameint ki maayoosiyon ke aage ki sochi. Market ko Bhaarat ke laung tarm poteinshal par bharosa hai. Use pata tha ki maayoosi ke din lambe samay tak naheen raheinge. Baajaar gud gavarneins aur achhi paulisi ke liye khud ko taiyaar kar raha tha. Narendra Modi ke PM banane se aakhirkaar usaki yeh ummeed poori hui. Modi ko yeh janaadesh divelapameint aur badlaav ke liye mila hai. 2008-2013 ke mushkil dinon mein bhaarateeya companiyaan reestrakcharing kar rahi theen aur khud ko baajaar ke mukaabale ke liye taiyaar kar rahi theen. Kaurporet gavarneins kaheen behtar hua hai. Iske baavajood bhaarateeya investors risk se bach rahe the aur unhonne share baajaar mein bahut kam paisa lagaaya hua hai. Humne maan liya tha ki Bhaarat mein ab mahangaai dar jyaada rahegi aur kaurporet praufit growth kam rahegi. Domestik ikviti investors ke baajaar se paisa nikaalne ko bhi naurmal maan liya gaya tha. Ye cheejein badalne waali hain aur lambe samay tak aisa hi bana rahega. Desh mein majaboot paulisi fremavark ka vakt aa raha hai. Business aur investar freindali inavaairanameint ki aahat dikh rahi hai. Guds ki kam saplaai ke chalte mahangaai bekaaboo ho gayi thi aur is baare mein bhi haalaat badalne vaale hain. Naya kaipeks saaikal shuroo hone ja raha hai. Intrest rate bhi kam honge aur jaub kriyeshan ka naya daur shuroo hoga. Haausahold sevings mein fir se badhotri shuroo hogi aur videshi niveshak baajaar mein aur paisa lagaaenge. Domestik investors jo ab tak baajaar se paisa nikaal rahe the, ve bhi vaapasi kareinge. Inmein se jyaadaatar ki ummeed sabko hai, lekin bahut kam log yeh andaaja laga pa rahe hain ki yeh badlaav bahut lamba chalne vaala hai. Yeh aisa daur hoga, jiska ehsaas ham logon ko ab tak naheen hua hai. Aaie kuchh deta se ise samajhte hain. 2009-2014 ke beech kaurporet praufit growth sirf 3 parseint badhi. Vaheen, 2003-2009 ke beech yeh 19 parseint thi. 2007-08 mein kaurporet praufit GDP ka 7.8 parseint tha, jo 2013-14 mein ghatkar 4.2 parseint rah gaya tha. Agar kaurporet arning 2018 tak GDP ke 5.6 parseint ke ausat leval tak pahunchati hai to iska matlab yeh hai ki agale chaar saal mein unki praufit growth 22 parseint rahegi. Bhaarat mein intrest rate duniya ke doosare deshon ki tulana mein kaafi jyaada hain. Grees 5 parseint rate par loan leta hai, jabki Bhaarat ke liye yeh 8.6 parseint hai. Retail infleshan bhi haayar leval par hai. Desh mein intrest rate peek par pahunch chuke hain. Main sabhi deshvaasiyon ko Bhaarat aur share baajaar par bharosa karne ki salaah doonga. Desh mein ab tak ka sabse bada bul market shuroo hone ja raha hai.

'Desh Mein Ab Tak Ka Sabse Bada Bul Market Shuroo Hone Ja Raha Hai https://www.angrejinews.com/pic/51857